عراقی خواتین نے داعش کے خلاف ہتھیار اُٹھا لئے
بین الاقوامی گروپ:550 خواتین پر مشتمل ‘‘خواتین ریپیڈ فورس‘‘ کی سیکنڈ بٹالین کرنل ناحیدہ احمد کی قیادت میں داعش کے خلف جنگ کی تیاریوں میں مصروف ہیں۔
ایکنا نیوز- شفقنا-خواتین پیشمرریپیڈ فورسز کی سیکنڈ بٹالین میں ایک خاتون نے نیویارک پوسٹ سے بات کرتے ہوئے کہا کہ مجھے فخر ہے کہ میں ایک ایسے ملک میں رہ رہی ہوں جہاں خواتین کو بھی اپنے وطن کا دفاع کرنے کی اجازت حاصل ہیں۔
اخبار کے مطابق خواتین کی اس بٹالین نے اگر چہ ابھی تک داعش کا سامنا نہیں کیا ہے تاہم شمالی عراق کے کرد شہر سلیمانیہ میں یہ گروپ کئی مہینوں سے تربیت حاصل کرتا آرہا ہے۔
بٹالین کی ایک حاملہ خاتون جس کی ایک چار سالہ بیٹی ہے نے نیویارک پوسٹ کو بتایا کہ اگر اسے اجازت دی جاتی ہے تو وہ داعش کا مقابلہ کرنے کیلئے تیار ہے۔واضح رہے کہ عراق کے صوبے کردستان کے کئی چھوٹے قصبوں پر داعش کے دہشتگردوں نے قبضہ کرکے وہاں اقلیتوں میں رہ رہے سیکنڑوں عیسائیوں و ایزدیوں کا قتل عام کردیا جس کے بعد امریکہ نے داعش کے خلاف محدود ہوائی بمباری کرنے کا فیصلہ کیا۔
نظرات بینندگان
