عظیم عالم دین آیۃ اللہ مہدوی کنی انتقال کرگئے
ایکنا نیوز- مجلس خبرگان رہبری کے سربراہ آیۃ اللہ محمد رضا مہدوی کنی،کن کے مقام پر پیدا ہوئے اور ابتدائی تعلیم کے بعد قم آئے جہاں انہوں نے بلند پایہ علماء جیسےحضرات آیات مشکینی، حاج شیخ عبدالجواد سده ای (جبل عاملی)، شهید صدوقی، سلطانی، مجاهدی، رفیعی قزوینی، شعرانی، علامه طباطبایی، آیه الله العظمی بروجردی، امام خمینی اور آیت الله العظمی گلپایگانی سے کسب فیض کیا۔ عالم ربانی آیۃ اللہ محمد رضا مہدوی کنی چار جون کو اسلامی جمہوریہ ایران کے بانی حضرت امام خمینی(رہ) کی پّچیسویں برسی میں شرکت اور واپس گھر پہنچنے کے بعد عارضۂ قلب میں مبتلاء ہوئے جس کے بعد انھیں اسپتال میں داخل کردیا گیا جہاں ان کا علاج و معالجہ جاری رہا مگر آج یہ عالم ربانی، چوراسی برس کی عمر میں چل بسے۔ آیۃ اللہ مہدوی کنی، اسلامی انقلاب کے آغاز سے ہی مختلف عہدوں پر فائز رہے۔ وہ انّیس سو اناسی سے انّیس سو اکیاسی تک ایران کے وزیر داخلہ اور صدارتی انتخابات کے انعقاد تک نگراں وزیراعظم بھی رہے۔ آیۃ اللہ مہدوی کنی مارچ سنہ دو ہزار دس میں مجلس خبرگان رہبری یعنی فقہا کی کونسل کے سربراہ منتخب ہوئے۔ وہ سیاسی سرگرمیوں کے علاوہ علمی سرگرمیوں میں بھی حصہ لیتے رہے اور یونیوورسٹی اور حوزہ علمیہ میں تدریس کے علاوہ تالیفات میں بھی مشغول رہے۔
انقلاب ایران کے حوالے سے جیل میں قید ہوئے اور سخت مشقتیں برداشت کیں ۔ انقلاب کی کامیابی کے بعد علمی میدان میں جوہر دکھائے اور کئی اعلی خدمات انجام دیں۔
