مسجد الحرام کرین حادثہ، ہلاکتیں 107 ہو گئیں
بین الاقوامی گروپ:سعودی عرب میں مسلمانوں کے مقدس ترین شہر مکہ معظمہ کی مسجد الحرام میں کرین گرنے سے ہونے والی ہلاکتوں کی تعداد کم از کم 107 ہو گئی
ایکنا نیوز- سعودی سول ڈیفنس نے افسوس ناک واقعہ میں 107 ہلاکتوں کی تصدیق کرتے ہوئے بتایا کہ 238 زخمیوں کا مختلف ہسپتالوں میں علاج جاری ہے۔
سول ڈیفنس اتھارٹی کے ڈائریکٹر جنرل سلیمان الامر نے الاخباریہ ٹی وی کو بتایا کہ جائے حادثہ پر کوئی مزید لاش یا زخمی موجود نہیں ۔
انہوں نے بتایا کہ شدید طوفان سے علاقے میں کئی درخت اکھڑ گئے جبکہ کرینیں اپنی جگہ سے ہل گئیں۔
سلیمان الامر کا کہنا تھا کہ جس وقت حادثہ پیش آیا اس وقت تیز بارش کے ساتھ 83 کلو میٹر فی گھنٹہ کی رفتار سے ہوا چل رہی تھی.
ڈان نیوز کے مطابق حادثہ سعودی عرب کے مقامی وقت کے مطابق 5 بج کر 10 منٹ پر پیش آیا اور حادثے کی جگہ پر 20 سے 30 ہزار عازمین حج موجود تھے۔
نظرات بینندگان
