سعودی حکام کی غفلت سے حادثہ ہوا، حاجیوں کو قصوار نہ ٹھرایے- سیدحسن نصراللہ
ایکنا نیوز- العالم چینل کے مطابق حزب اللہ لبنان کے سربراہ سید حسن نصر اللہ نے المنار کے ساتھ گفتگو میں منی میں رونما ہونے والے دردناک حادثے پر اپنے گہرے دکھ اور رنج کا اظہار کرتے ہوئے کہا ہے کہ سعودی عرب کے حکام کی نااہلی میں کسی کوکوئی شک و شبہ نہیں اور انتظامی امور پر دیگر ممالک کو شریک کرنا ہوگا،انہوں نے کہا کہ سعودی عرب کے حکام، منی کے المناک حادثے کے ذمہ دار ہیں۔سید حسن نصر اللہ نے کہا کہ سعودی عرب، وہابی دہشت گردوں کی تربیت اور یمن کے نہتے عوام کے قتل عام میں مصروف ہے اور اس کی حج بیت اللہ الحرام کے انتظامی امور پر کوئی توجہ نہیں وہ دوسرے اسلامی ممالک میں عدم استحکام پیدا کرنے کے لئے یا خود براہ راست مداخلت کررہا ہے یا دہشت گردوں کی تربیت میں مصروف ہے۔ سید حسن نصر اللہ نے منی کے غمناک اور المناک حادثے کی تحقیق کے لئے ایک اسلامی اور غیر جانبدار کمیٹی کی تشکیل کا بھی مطالبہ کیا۔
حسن نصراللہ نے داعش کے خلاف امریکی اتحاد کو ناکام قرار دیتے ہویے کہا کہ روس کے شام میں آنے سے صورتحال تبدیل ہوگی اور امریکی پالیسیاں علاقے میں ناکامی سے دوچار ہیں۔
