اللہ اکبر کے نعروں سے ایران میں جشن انقلاب کا آغاز
ایکنا نیوز کے مطابق انقلاب اسلامی کی سالگرہ کے موقع پر گذشتہ رات کو تہران کے وقت کے مطابق نو بجے ایرانی عوام نے اپنے گھروں کی چھتوں ، سڑکوں اور گلی کوچوں میں اللہ اکبر کے نعروں سے جشن کا آغاز کیا۔
ایران اسلامی کے مختلف شہروں میں ایرانی عوام اللہ اکبر کے نعروں کے ذریعے اپنے اتحاد اور اسلامی نظام کے ساتھ اپنی وفاداری کا اظہار اور ایران کے دشمنوں سے مقابلے کا عہد کرتے ہیں۔
قابل ذکر ہے 22 بہمن مطابق گیارہ فروری کو ایران میں انقلاب اسلامی کامیاب ہوا تھا۔ ایران سمیت دنیا کے مختلف ممالک میں انقلاب اسلامی کی 43 ویں سالگرہ کا جشن منایا جاتا ہے ۔
اس موقع پر مختلف دیگر شہروں کے علاوہ تہران میں کورونا ایس او پیز کے تحت موٹربائیک ریلی کا اہتمام کیا گیا ہے جہاں مختلف مرکزی شاہراوں سے گاڑیوں اور موٹرسائیکلوں کے ساتھ ایرانی عوام جشن انقلاب ریلی میں شرکت کریں گے اور مختلف شاہراوں سے ہوتے ہوئے میدان آزادی پہنچیں گے جہاں مختلف ترانوں اور تقاریر کے ساتھ جشن اختتام پذیر ہوگا۔/
