آسٹریلوی اسکول طالبہ کو نبی کریم صلی اللہ علیہ وآلہ وسلم کی توہین پر مجبور
ایکنا تھران- دی گارڈین اخبارکے مطابق، الجزیرہ کا حوالہ دیتے ہوئے، آسٹریلیا کے شہر میلبورن کے ایک اسکول میں ایک مسلمان طالبہ کی والدہ نے کہا: ایک ٹیچر نے میری بیٹی کو پیغمبر اکرم (ص) کی توہین کرنے والا کارٹون دیکھنے پر مجبور کیا۔ اس کے بعد ریاستی حکومت اس بارے میں تحقیقات شروع کرنے پر مجبور ہوگئی ہے؟
برطانوی اخبار گارجین کے مطابق ایک ٹیچر نے توہین آمیز ویڈیو دکھائی اور جب طالبہ نے استاد کو روکنے کی کوشش کی اور جو تجویز کی گئی تھی اس سے انکار کیا تو استاد نے اسے نظر انداز کر دیا۔
اس طالبہ کی والدہ نے فیس بک پر ایک پوسٹ شائع کرتے ہوئے اس بات پر زور دیا کہ استاد کا کارٹون فلم دکھانے پر اصرار ان کی بیٹی کے ذہنی صدمے کا باعث بنا، مزید کہا: میری بیٹی نے اس فلم سے ناراضگی ظاہر کرنے کی کوشش کی لیکن بدقسمتی سے استاد نے اسے نظر انداز کردیا اور فلم دکھاتی رہی اور مجبورا میری بیٹی کو یہ کلپ دیکھنا پڑا۔
انہوں نے مزید کہا: اس کلپ نے میری بیٹی اور میرے خاندان کے جذبات کو تکلیف دہ طریقے سے متاثر کیا اور ہمیں ذہنی اور جذباتی چوٹ لگی ہے۔ ہم مسلمان ہیں اور ہم اپنے پیارے نبی حضرت محمد صلی اللہ علیہ وآلہ وسلم سے متعلق کسی چیز کو برداشت نہیں کر سکتے۔
اس لڑکی کی ماں نے رسمی معافی مانگنے اور اسکول میں اس قسم کی سرگرمیوں کی وجوہات کی وضاحت کا مطالبہ کیا۔
4097849
