سعودیہ میں بارش کیلئے نماز استسقاء کی ادائیگی

ایکنا: خادم حرمین شریفین شاہ سلمان بن عبد العزیز کی ہدایت پر مکہ اور مدینہ سمیت سعودی عرب کے مختلف شہروں میں بارش کیلئے نماز استسقاء ادا کی گئی۔

ایکنا انٹرنیشنل ڈیسک کے مطابق دو روز قبل سعودی رائل کورٹ کی جانب سے جاری بیان میں مملکت میں باران رحمت کیلئے قوم سے  نماز استسقاء ادا کرنے کی اپیل کی گئی تھی۔

سعودی رائل کورٹ کی جانب سے جاری بیان میں کہا گیا تھا کہ بارش جیسی رحمت  کے حصول کے لیے نماز استسقاء سنت نبوی  ہے۔

خادم حرمین شریفین نے قوم سے اپیل کی تھی  کہ نماز استسقاء میں اللہ سے توبہ استغفار کرتے ہوئے بارش کی دعا کریں گے جب کہ اس بیان میں عوام سے خیرات کرنے اور اچھے کاموں کی بھی اپیل کی گئی۔

رپورٹس کے مطابق سعودی فرماں روا کی ہدایت پر مملکت کے مختلف حصوں میں  نماز استسقاء صبح  7 بجے کے بعد ادا کی گئی۔