آسٹریلیا میں شهید نصرالله کی یاد میں تقریب

ایکنا: قرآنی مرکز «ثامن الأئمه(ع)» کے تعاون سے «سڈنی» میں شهید سیدحسن نصرالله اور شھدا کی یاد میں تقریب منعقد کی گئی۔

ایکنا آسٹریلیا کی رپورٹ کے مطابق، مصطفی اشرفی، جو قرآنی فعال اور سیڈنی میں مجمع قرآنی ثامن الائمہ(ع) کے صدر ہیں، نے اس خبر کا اعلان کرتے ہوئے کہا: یہ پروگرام مصطفی اشرفی کی آواز میں کلام اللہ مجید کی تلاوت اور زیارت آل یاسین سے شروع ہوا۔

انہوں نے مزید کہا: یہ تقریب فلسطین اور لبنان کے شہداء کی تکریم کے مقصد سے منعقد کی گئی، جن میں سرِفہرست سید حسن نصراللہ، شہیدِ مقاومت شامل ہیں، اور اس موقع پر آسٹریلیا کے شیعہ علماء میں سے شیخ علی مہدی نے خطاب کیا۔ 
اس قرآنی فعال نے مزید بتایا کہ شیخ علی مہدی نے اس تقریب میں لبنان کی صورتحال اور سید حسن نصراللہ سمیت ان دیگر شہداء کے بارے میں گفتگو کی جو پچھلے ایک سال میں شہید ہوئے۔ انہوں نے ان معاملات پر آسٹریلیا کے قوانین کے بارے میں بھی آگاہی فراہم کی۔

انہوں نے واضح کیا: بدقسمتی سے آسٹریلیا میں حزب اللہ اور حماس کو دہشت گرد تنظیمیں قرار دیا گیا ہے، اسی وجہ سے اس پروگرام کے لیے سوشل میڈیا پر کوئی تشہیر نہیں کی گئی۔ مہمانوں کو صرف پروگرام کا پوسٹر بھیج کر مدعو کیا گیا۔

مجمع قرآنی ثامن الائمہ(ع) کے صدر نے کہا: یہ پروگرام جو جمعہ 13 اکتوبر کی رات سیدنی شہر میں منعقد ہوا، کے آخر میں علی اشرف نے قرآن ختم کیا، جس کا ثواب فلسطین اور لبنان کے شہداء، خاص طور پر سید حسن نصراللہ کی روح کو پہنچایا گیا۔

آخر میں، انہوں نے دعا توسل، حدیث کساء، دعائے کمیل، دعائے ندبہ، قرآن کی کلاسیں، اور زیارت آل یاسین کو مجمع قرآنی ثامن الائمہ(ع) کے پروگراموں میں شمار کیا جو سیدنی، آسٹریلیا میں منعقد کیے جاتے ہیں۔/

4241680