امریکن پالیسی اسرائیل کی خدمت میں پیش رہی ہے

ایکنا: شیخ حنینه کا کہنا تھا کہ امریکہ سے بھلائی کی توقع نہیں اور میڈل ایسٹ میں امریکہ ہمیشہ اسرائیل کا سب سے بڑا حامی رہا ہے۔

 ایک سال سے زاید عرصہ گزرنے کے بعد، اسرائیل کے غزہ کے بے دفاع لوگوں کے خلاف مظالم اور مزاحمت کے چند اہم رہنماؤں کی شہادت، جن میں نمایاں ترین شہید سید حسن نصراللہ تھے، کے باوجود، فلسطین، لبنان، عراق، یمن اور شام میں مزاحمتی محور نے قیمتی فوجی اور سیاسی تجربات حاصل کیے ہیں اور اسرائیل و امریکہ کی ہیبت پر شدید ضربیں لگانے میں کامیاب رہے ہیں۔
 
شیخ غازی یوسف حنینه، جو لبنان میں جمعیت علمای مسلمان کے صدر ہیں، نے ایکنا سے گفتگو کرتے ہوئے علاقے کے مستقبل کے حالات میں مزاحمتی محور کے کردار پر روشنی ڈالی۔
 
مزاحمتی محور کا قیام، امام خمینیؒ کی تخلیقی سوچ
 
حنینه نے کہا کہ مزاحمتی محور کی تشکیل بلاشبہ امام خمینیؒ کی تخلیقی سوچ تھی، جنہوں نے اسلامی انقلاب کے آغاز سے ہی فلسطین کی آزادی کے لیے بیس ملین رضا کار کا نظریہ پیش کیا اور فلسطینی قوم کو ترجیح دی۔
 
انہوں نے کہا کہ اس وقت سے جو تحریک بعد میں مزاحمتی محور کہلائی، اس نے مغربی استکبار، صہیونیت اور داعش جیسے تکفیری دہشت گرد گروہوں کے خلاف شام، عراق، یمن اور لبنان میں بنیادی کردار ادا کیا۔
 
شیخ غازی حنینه نے مزید کہا کہ "الحمدللہ، امام خمینیؒ کی اس خواہش کا مبارک سفر امام خامنه‌ای (حفظه الله) کی رہنمائی میں جاری ہے، اور یہ تحریک اب بھی فلسطین کی آزادی کے منصوبے کی حمایت سے زندہ ہے۔
 
شیخ حنینه نے سید حسن نصراللہ کی شہادت اور شیخ نعیم قاسم کی قیادت میں حزب‌الله کے نئے دور کے آغاز کے بارے میں کہا کہ "میرے نزدیک، قرآن کی جملہ اخلاقیات اور فضائل سید حسن نصراللہ میں مجسم تھے۔" انہوں نے کہا کہ حزب‌الله کوئی سیاسی ڈھانچہ یا جماعت نہیں ہے کہ افراد یا قائدین کے جانے سے ختم ہوجائے؛ بلکہ یہ ایک شریعت، روح، پیغام اور مکتب ہے۔
 
امریکہ کی سیاست پر تبصرہ: کوئی فرق نہیں، گدھا یا ہاتھی
 
شیخ غازی حنینه نے ڈونلڈ ٹرمپ کے امریکی صدر منتخب ہونے اور مشرق وسطیٰ کی پالیسیوں میں ممکنہ تبدیلی پر کہا: "ڈیموکریٹک اور ریپبلکن دونوں جماعتیں گدھے اور ہاتھی کی علامت ہیں، جو بھی اقتدار میں آئے، ایک جاہل حکومت ہی بنے گی۔ دونوں ایک ہی سکے کے دو رخ ہیں اور ان کی مشرق وسطیٰ کے حوالے سے پالیسیاں زیادہ مختلف نہیں ہوں گی۔ میرا ماننا ہے کہ امریکہ کبھی بھی فلسطینی قوم کے لیے خیرخواہ نہیں ہوگا اور ان کے مفادات ہمیشہ اسرائیلی حکومت کے ساتھ وابستہ ہیں۔ ٹرمپ نے فلسطینیوں کی مدد کو روکنے کا حکم دیا اور امریکہ کی پالیسیاں، چاہے بوش، بائیڈن یا ٹرمپ کے دور میں، ہمیشہ اسرائیل کے مفادات کے لیے رہی ہیں اور اسلامی ممالک کو کوئی فائدہ نہیں پہنچا ہے۔/

4247735