عراق میں پہلی بار خط عثمان طه میں قرآن کی اشاعت

ایکنا: دارالقرآن الکریم آستانہ حسینی کے تعاون سے پہلی بار عثمان طہ والے خط میں قرآن کریم کا نسخہ شائع کیا جارہا ہے۔

ایکنا کی رپورٹ کے مطابق، عراق میں دارالقرآن الکریم آستانِ حسینی نے ہفتہ،  کو عثمان طہ کے خط میں قرآن کریم کے پہلے نسخے کی طباعت کا اعلان کیا۔

یہ طباعت شیخ عبدالمہدی کربلائی، تولیت آستانِ حسینی، کے حکم اور دارالقرآن الکریم اور مطبع الوارث کے باہمی تعاون سے مکمل کی گئی۔ یہ منصوبہ اس مقدس آستان کے کتابِ الٰہی کی خدمت کے عزم کو اعلیٰ ترین معیارات پر پورا اترتے ہوئے ظاہر کرتا ہے۔

شیخ خیرالدین الہادی، دارالقرآن الکریم آستانِ حسینی کے سربراہ، نے قرآنی میڈیا سینٹر سے بات کرتے ہوئے کہا: "یہ مبارک منصوبہ آستانِ حسینی کے وژن کو ظاہر کرتا ہے، جو قرآن کریم کے ایک اعلیٰ معیار کے نسخے کی پیشکش پر مبنی ہے۔" انہوں نے مزید بتایا کہ اس منصوبے کے تمام مراحل کی نگرانی کے لیے علمی اور فنی کمیٹیاں تشکیل دی گئیں، جو متن کے جائزے سے لے کر صفحات کی اسلامی فن سے متاثر تزئین تک تمام مراحل کا احاطہ کرتی ہیں۔

انہوں نے کہا: "یہ نسخہ اعلیٰ معیار کے کاغذ پر چھاپا گیا ہے، جو آنکھوں کو اذیت نہیں دیتا، اور معیاری سیاہی استعمال کی گئی ہے، جو اس قرآن کو دیگر نسخوں سے منفرد بناتی ہے۔

اسی حوالے سے امل المطوری، جو دارالقرآن الکریم آستانِ حسینی میں خواتین کی سرگرمیوں کی انچارج ہیں، نے کہا: "اگرچہ ایسے منصوبے عام طور پر چھ ماہ سے زیادہ وقت لیتے ہیں، لیکن ہماری ٹیم کے حافظ اور قاری شب و روز کی محنت سے صرف 22 دن میں 500 نسخوں کی طباعت مکمل کرنے میں کامیاب ہوئے۔/

4253139