الجزایر میں پانچ سو حفاظ کے ساتھ ختم قرآن

ایکنا: پانچ سو خواتین اور مرد حفاظ کے ساتھ ختم قرآن کی محفل منعقد کی گیی۔

الشروق آن لائن کے مطابق، الجزائر میں 28 دسمبر 2024  کو ایک منفرد قرآنی تقریب منعقد ہوئی، جس میں صبح کی نماز سے مغرب کی نماز تک 500 حفاظ نے اپنی تلاوت کے ذریعے مکمل قرآن ختم کیا۔

"تحریک مع القرآن الکریم" نے فیس بک پر جاری کردہ ایک اعلامیہ میں بتایا کہ اس کارنامے کے لیے تقریباً 9 ماہ کی تیاری کی گئی، جس کے ابتدائی مراحل میں 1000 طلبہ نے شرکت کی۔ بالآخر 500 حفاظ نے اس یادگار دن تک پہنچ کر قرآن سے محبت اور اس کی خدمت کی مثال قائم کی۔

تقریب کی سرگرمیاں الجزائر کے مختلف صوبوں کے قرآنی مراکز سے براہ راست "تحریک مع القرآن الکریم" کے فیس بک صفحے پر نشر کی گئیں۔ یہ پروگرام آئندہ ہفتوں میں ہر ہفتے کے روز صبح سے مغرب تک جاری رہے گا اور اسے فیس بک پر لائیو دیکھا جا سکے گا۔

ایک اور رپورٹ کے مطابق، اسی روز الجزائر کے شہر وھران میں "امیر عبدالقادر مسجد" میں "حفاظ وحی" کے نام سے قرآن ختم کرنے کا ایک مقابلہ منعقد ہوا۔ اس میں 10 سے 65 سال کی عمر کے 100 شرکاء نے حصہ لیا۔

مقابلے کے پہلے مرحلے میں 15 پارے مکمل کیے گئے، جبکہ دوسرے مرحلے میں، جو اپریل میں ہوگا، 30 پارے اور تیسرے مرحلے میں، جو جنوری میں ہوگا، 45 پارے مکمل کیے جائیں گے۔

"انجمن حفظ قرآن فرقان"، جو 2005 میں قائم ہوئی، الجزائر کے صوبہ وھران میں 1500 طلبہ کو قرآن حفظ کی تعلیم دے رہی ہے۔ یہ انجمن قرآنی علوم کے فروغ اور نئی نسلوں کو دینی تعلیم سے آراستہ کرنے میں ایک اہم کردار ادا کر رہی ہے۔/

4256859