ڈنمارک نے قرآن سوزی کی درخواست کی مخالفت کردی

ایکنا: شدت پسند رہنما نے کہا ہے کہ ڈنمارک حکومت نے ان کوپنھاگ میں قرآن جلانے کی اجازت نہیں دی ہے۔

ایکنا نیوز- سوئیڈن میں قرآن سوزی کے مجرم کی ہلاکت کے بعد، ڈنمارک نے انتہا پسند راسموس پالودان پر پابندی لگا دی ہے۔

 سوئیڈن کے  اطلاعاتی نیوز پورٹل کے حوالے سے رپورٹ ملی ہے کہ سلوان مومیکا، جو سوئیڈن میں قرآن کی بے حرمتی کا مرتکب ہوا تھا، کے قتل کے بعد انتہا پسند راسموس پالودان نے قرآن سوزی کی ایک اور درخواست دی، تاہم ڈنمارک کی حکومت نے اس درخواست کو مسترد کرتے ہوئے اس کے ہر قسم کے مظاہروں پر پابندی لگا دی۔

 ڈنمارک کی حکومت کا ردعمل

 ڈنمارک کے حکام نے کہا کہ پالودان کے کسی بھی قسم کے قرآن سوزی مظاہرے کو دارالحکومت کوپن ہیگن میں مکمل طور پر ممنوع قرار دیا گیا ہے۔ پولیس کوپن ہیگن نے تصدیق کی کہ پالودان کی مظاہرے کی درخواست رد کر دی گئی ہے اور اسے ہر قسم کی عوامی احتجاجی سرگرمیوں سے روک دیا گیا ہے۔

 پالوڈان کا پس منظر اور ردعمل

 راسموس پالوڈان، جو کہ ڈنمارک اور سوئیڈن میں قرآن سوزی کے کئی واقعات میں ملوث رہا ہے، نے حکومتی فیصلے پر اعتراض کرتے ہوئے دعویٰ کیا کہ اس کا آزادی اظہار کا حق سلب کیا گیا ہے۔ اس نے یہ بھی کہا کہ وہ اپنی سلامتی کے بارے میں فکر مند نہیں ہے کیونکہ وہ سوئیڈن میں نہیں بلکہ ڈنمارک میں رہتا ہے۔

سوشل میڈیا پر پابندی

 پچھلے ہفتے، پالودان نے دعویٰ کیا کہ سوشل میڈیا پلیٹ فارم X (سابقہ ٹوئٹر) نے اس کا اکاؤنٹ معطل کر دیا ہے کیونکہ اس نے سلوان مومیکا کی حمایت میں اسلام مخالف مواد شائع کیا تھا۔ اس نے چار ویڈیوز ہٹانے کا مطالبہ کیا، جن میں پالودان کو ترکی، پاکستان اور انڈونیشیا کے سفارت خانوں کے باہر قرآن جلاتے اور اسلام مخالف تقاریر کرتے دکھایا گیا تھا۔

 پالودان کا دعویٰ

 پالودان نے دعویٰ کیا کہ یہ ویڈیوز ڈنمارک کے قوانین کے مطابق قانونی ہیں اور X نے اسے صرف مسلمانوں کی شکایات پر بند کیا ہے۔

حالیہ واقعات سے ظاہر ہوتا ہے کہ یورپ میں انتہا پسندوں کی جانب سے قرآن سوزی کے اقدامات کے خلاف سخت اقدامات کیے جا رہے ہیں، جبکہ اسلاموفوبیا کے خلاف ردعمل بھی بڑھ رہا ہے۔/

4266915