بین الاقوامی قرآنی مقابلے « العمید ایوارڈ» کربلا ء میں بائیس ممالک کی شرکت
ایکنا نیوز کی رپورٹ کے مطابق، آستانہ مقدس عباسی کے زیر اہتمام "جایزه العمید" کے عنوان سے بینالمللی تلاوتِ قرآن کا دوسرا دور شروع ہو گیا ہے۔ یہ مقابلہ جوانوں اور بزرگوں کے دو گروہوں میں منعقد ہو رہا ہے، جس میں ۱۰ نوجوان اور ۳۰ بزرگ قاری شرکت کر رہے ہیں۔
عرب، ایشیائی اور افریقی ممالک کی شرکت
اس بین الاقوامی قرآنی مقابلے میں مختلف عرب، ایشیائی اور افریقی ممالک کے قرّاء شریک ہیں۔ مصر، ایران، انڈونیشیا، افغانستان، ملائیشیا، جنوبی افریقہ اور بھارت سمیت سات ممالک اس میں شرکت کر رہے ہیں۔
بین الاقوامی معیار کے مطابق نگرانی
علاء الموسوی، آستان عباسی کے قرآنی أمور کے ڈپٹی نے اس حوالے سے کہا کہ مقابلے کے دوسرے دور میں عراق اور دیگر سات ممالک کے نمائندے شامل ہیں۔ ان کا مزید کہنا تھا کہ بین الاقوامی سطح کے ماہرین پر مشتمل ایک کمیٹی ان مقابلوں کی نگرانی کر رہی ہے، جو عالمی قرآنی معیارات کے مطابق فیصلے کرے گی۔
شرکت کے ضوابط اور مقابلے کا مقصد
الموسوی کے مطابق، مقابلے میں شرکت کے لیے عمر اور قرآنی مہارت کی بنیاد پر شرائط رکھی گئی ہیں تاکہ ہر عمر کے افراد اپنی صلاحیتوں کے مطابق حصہ لے سکیں۔
قابل ذکر ہے کہ " العمید ایوارڈ" قرآنی مقابلہ آستان مقدس عباسی کے اہم پروگراموں میں شامل ہے، جس کا مقصد قرآنی ثقافت کا فروغ ہے۔ اس کا پہلا دور گزشتہ سال رمضان المبارک میں ۲۱ ممالک کی شرکت کے ساتھ منعقد ہوا تھا۔/
4269384
