بین الاقوامی قرآنی مقابلہ "جائزہ العمید" کربلا میں منعقد+ تصاویر

ایکنا: پانچواں بین الاقوامی مقابلہ « العمید ایوارڈ» انڈونیشیاء، آسٹریلیا اور عراق کے قراء کے درمیان شروع ہوچکا ہے.

ایکنا کے مطابق، آستانِہ عباسی کے قرآنی سائنسی مرکز کے زیر اہتمام ماہِ رمضان المبارک کے موقع پر بین الاقوامی قرآنی مقابلہ منعقد ہوا، جس میں 22 ممالک کے قاریوں نے شرکت کی۔ اس مقابلے میں 30  قراء  کرام (بزرگسال گروپ) اور 10 نوجوان قراء کربلا میں شریک ہوئے۔

جیوری (ججز) پینل

مقابلے کے ججز درج ذیل قرآنی ماہرین پر مشتمل تھے:

شیخ محمد بسیونی (مصر)

باسم العابد (عراق)

مشتاق العلی (عراق)

عبدالکبیر حیدری (افغانستان)

محمد عصفور (مصر)

سید حسنین الحلو (عراق)

سید کریم موسوی (ایران) (مبتهل)

محمد رمال (لبنان) (مبتهل)

مقابلے کی جھلکیاں

پانچویں راؤنڈ میں محمد تقی (آسٹریلیا)، محمد ہدایہ (انڈونیشیا)، اور عمار الحلی (عراق) کے درمیان سخت مقابلہ ہوا۔

اس موقع پر لبنان کے کم عمر حافظِ قرآن "حسین" کی کہانی بھی بیان کی گئی، جو بیروت میں پیجر دھماکے میں زخمی ہوا تھا۔

ججز کمیٹی نے حضرت ابوالفضل العباس (ع) کے روضہ مبارک کا پرچم بطور روحانی حمایت اس ننھے حافظ کو تحفے میں پیش کیا۔

"جائزہ العمید" بین الاقوامی مقابلہ – ایک تعارف

یہ مقابلہ آستان عباسی کے زیر اہتمام منعقد کیا جاتا ہے، جس کا مقصد قرآنی ثقافت کو فروغ دینا اور اسلامی معاشرے میں قرآن کی تعلیمات عام کرنا ہے۔

دوسرے سیزن میں عرب، ایشیائی اور افریقی ممالک کے قراء نے حصہ لیا۔

مصر، ایران، انڈونیشیا، افغانستان، ملائیشیا، جنوبی افریقہ اور بھارت سمیت 22 ممالک اس مقابلے میں شریک ہوئے۔

پہلا سیزن گزشتہ سال 21 ممالک کی شرکت کے ساتھ رمضان المبارک میں منعقد ہوا تھا۔/

4270393