معراج پیغمبر کا مقام ؛ بچہ کش رژیم کا جولانگاہ

اس مقام کو “قبۃ الصخرہ” نام دینے کی وجہ یہ ہے کہ اس کے اندر ایک چٹان موجود ہے جس کے بارے میں بعض روایات میں آیا ہے کہ رسول گرامی یہی سے آسمانوں کی طرف معراج کے لیے بلند ہوئے تھے۔

ایکنا نیوز کی رپورٹ کے مطابق رمضان المبارک کی 17ویں شب (اگرچہ معراج کے وقت کے بارے میں چار مختلف اقوال بھی بیان کیے جاتے ہیں) وہ رات ہے جس میں رسولِ اسلام کو معراج عطا ہوئی۔ اسلامی منابع کے مطابق اس رات مکہ سے مسجد الاقصی تک لے جایا گیا اور وہاں سے آپ آسمانوں کی طرف عروج فرمائے۔ اس سفر میں آپ نے فرشتوں سے گفتگو کی، جنت اور جہنم کا مشاہدہ کیا اور سابقہ انبیاء سے ملاقات کی۔ اسی طرح آپ اور خداوند متعال کے درمیان ایک مکالمہ بھی ہوا جسے حدیثِ معراج کہا جاتا ہے۔

یہ واقعہ شیعہ اور اہل سنت دونوں کی احادیث میں متواتر طور پر نقل ہوا ہے۔  مسجد الاقصی کی عظمت اور اہمیت کی ایک بڑی وجہ بھی یہی واقعہ ہے۔ بعض روایات کے مطابق رسول اکرم ﷺ نے اسی مقام یعنی Dome of the Rock  کے مقام سے آسمانوں کی طرف عروج فرمایا۔

اللہ تعالیٰ  سورہ اسراء کی پہلی آیت میں ارشاد فرماتا ہے:

پاک ہے وہ ذات جو اپنے بندے کو رات کے وقت مسجد حرام سے مسجد اقصیٰ تک لے گئی، جس کے گرد و نواح کو ہم نے بابرکت بنایا ہے، تاکہ ہم اسے اپنی نشانیاں دکھائیں؛ بے شک وہی سب کچھ سننے والا اور دیکھنے والا ہے۔

ایک مسلمان کے لیے یہی دکھ کافی ہے کہ اس کے نبی ﷺ کے عروج کا مقام اور اسلام کے عظیم ترین مساجد میں سے ایک یعنی  مسجد الاقصی مسلسل خطرات اور تخریب کے نشانے پر ہے، جبکہ صہیونی تحریک اس مسجد کے کھنڈرات پر اپنا معبد تعمیر کرنے کے خواب دیکھ رہی ہے۔