عالمی یوس قدس پر ایرانی عوام کی شجاعت پر عالمی ردعمل
ایکنا نیوز کی رپورٹ کے مطابق، اس بارے خبر رساں ویب سائٹ المیادین نے لکھا: آج جمعہ کے روز تہران اور ایران کے مختلف صوبوں میں عالمی یومِ قدس کے موقع پر میلیونی ریلیاں منعقد ہوئیں۔ یہ ریلیاں آیت اللہ سید مجتبیٰ خامنہ ای، ایران کے اسلامی انقلاب کے تیسرے رہبر، کے پہلے پیغام کے بعد منعقد ہوئیں، جس میں انہوں نے اس دن بھرپور شرکت کی دعوت دی تھی۔
المیادین کی رپورٹ کے مطابق، یومِ قدس کے موقع پر ہونے والی ان عظیم ریلیوں کے دوران امریکی۔صہیونی طیاروں نے تہران کے میدانِ انقلاب کے قریب حملہ کیا، جبکہ ایران کے دارالحکومت پر جارح طیاروں کی بمباری کے لمحے میں بھی ایرانی عوام کے تکبیرکے نعرے اور جوشیلے آوازے فضا میں گونجتے رہے۔
المیادین نے مزید لکھا: جانی نقصانات کے باوجود، یہ میلیونی ریلیاں جارحیت کی مذمت، آیت اللہ سید مجتبیٰ خامنہ ای اور مسلح افواج کی حمایت کے نعروں کے ساتھ جاری رہیں، اور ان میں سپریم نیشنل سکیورٹی کونسل کے سیکریٹری علی لاریجانی نے بھی شرکت کی۔ یہ امر ایران کی نئی قیادت اور عوام کے درمیان یکجہتی کو ظاہر کرتا ہے۔
روسی نیٹ ورک رشیا ٹوڈے نے بھی تہران میں یومِ قدس ریلی کی متعدد ویڈیوز نشر کرتے ہوئے امریکی۔اسرائیلی جنگی طیاروں کی بمباری کے ساتھ ہی سڑکوں پر نکلنے والے ایرانی عوام کی شجاعت کو اجاگر کیا۔
امریکی نیٹ ورک سی این این کا ردِعمل
امریکی نیٹ ورک سی این این نے بھی اس سال کی یومِ قدس ریلی، جو جنگ کے دوران منعقد ہوئی، کی کوریج میں ایران بھر میں عوام کی بڑی تعداد میں شرکت کی طرف اشارہ کیا۔
سی این این کے مطابق، یہ ریلیاں ایسے وقت میں منعقد ہوئیں جب اسرائیلی فوج نے اعلان کیا تھا کہ اس نے تہران میں "وسیع حملے" شروع کر دیے ہیں، جبکہ اس سے پہلے میڈیا تہران، اصفہان اور ایران کے دیگر علاقوں میں دھماکوں کی خبر دے چکا تھا۔
خبر رساں ادارے رائٹرز نے بھی رپورٹ دی کہ تہران میں عالمی یومِ قدس ریلی کے شرکاء نے ڈونلڈ ٹرمپ اور بنیامین نیتن یاہو کے پتلے نذرِ آتش کرتے ہوئے امریکہ مخالف اور اسرائیل مخالف نعرے لگائے۔
لبنان کی خبر رساں ویب سائٹ النشرہ نے رپورٹ کیا کہ تہران اور ایران کے دیگر شہروں میں آج جنگ اور حملوں کے تسلسل کے باوجود وسیع یومِ قدس ریلیاں منعقد ہوئیں۔ ایران کی سپریم نیشنل سکیورٹی کونسل کے سیکریٹری علی لاریجانی نے بھی اس ریلی میں شرکت کی۔
فلسطینی خبر رساں ایجنسی شہاب نے بھی رپورٹ کیا کہ حملوں اور یومِ قدس ریلی کے مقام کے اطراف دھماکوں کے باوجود، لاکھوں ایرانی تہران میں اس ریلی میں شریک ہوئے، جس میں مسعود پزشکیان اور علی لاریجانی بھی موجود تھے۔
العربیہ نیوز ویب سائٹ نے بھی یومِ قدس ریلی میں ایرانی صدر اور سپریم نیشنل سکیورٹی کونسل کے سیکریٹری کی شرکت کا ذکر کیا۔
لبنان کے خبر رساں پلیٹ فارمز العہد اور المنار نے بھی اس سال کے عالمی یومِ قدس مارچ میں اسلامی جمہوریہ ایران کے اعلیٰ حکام اور ذمہ داران، جن میں صدر مسعود پزشکیان اور وزیر خارجہ سید عباس عراقچی شامل تھے، کی شرکت کی تصاویر شائع کرتے ہوئے لکھا کہ عراقچی کے بقول ایرانی عوام نے حملوں کے باوجود یومِ قدس میں شرکت کر کے ایران، القدس اور فلسطین کی حمایت کے لیے اپنے عزم اور ارادے کا اظہار کیا۔
4340480
