مصری سوز خواں ایرانی مقاومت بارے منظوم کلام تیار کرے گا

محمد علی جبین نے اعلان کیا ہے کہ وہ ایک منحرف کویتی قاری کی ثقافتی اور دینی یلغار کے جواب میں ایک قرآنی مواد پر مبنی فنی شاہکار پیش کریں گے؛ ایک ایسا کام جو ان کے بقول اسلامی مزاحمت اور ایران کے عوام کا ثقافتی دفاع ہوگا۔

محمد علی جبین، جو مصر کے معروف ابتهال خوان اور بین الاقوامی قرآنی مقابلوں کے جج ہیں، نے ایکنا کے سوالات کے جواب میں "مزاحمتی محاز کے ثقافتی دفاع میں فن کے کردار" پر گفتگو کی۔

جبین کے وعدہ کردہ اس کام سے ظاہر ہوتا ہے کہ محورِ مزاحمت صرف سیاست اور عسکری میدان تک محدود نہیں بلکہ قرآنی فن اور متاثر کن تلاوت کے میدان میں بھی حق کا دفاع جاری رکھے ہوئے ہے۔ وہ تلاوت اور ابتهال کو ایک روحانی ہتھیار قرار دیتے ہیں جو بے روح اور تحریف شدہ تلاوت کے مقابلے میں استعمال ہونا چاہیے، اور کہتے ہیں: "قرآن کو ایمان کے ساتھ پڑھنا چاہیے، نہ کہ معاوضے کے لیے۔"

انہوں نے ایکنا سے گفتگو میں کہا کہ اس میں کوئی شک نہیں کہ اسلام کے دشمن- کفار، صہیونی اور امریکہ و اسرائیل میں مشرکین ، مسلسل اسلامی جمہوریہ ایران میں اسلامی مزاحمت اور ایران، لبنان اور یمن میں ظلم و زیادتی کے خلاف مزاحمت پر حملہ آور ہیں۔

محمد علی جبین نے کویتی قاری مشاری العفاسی کی ایران پر تنقید کو، جو اسلام، مسلمانوں اور مقدس مقامات کے خلاف ظلم و زیادتی کے مقابلے میں ڈٹا ہوا ہے، کھلی گستاخی قرار دیتے ہوئے اس کی مذمت کی۔ انہوں نے کہا کہ دنیا میں کوئی ملک اسلامی جمہوریہ ایران کی طرح ظلم اور جارحیت کے خلاف مزاحمت نہیں کرتا، اور یہ عظیم ملک اپنی قیادت، مجاہدین اور قابلِ ستائش استقامت کے ساتھ قیامت تک ثابت قدم رہے گا۔

انہوں نے زور دے کر کہا کہ اس قاری کا عمل اس مشہور قول کے مصداق ہے: "رُبَّ تالِ القرآن والقرآن یلعنه" یعنی کتنے ہی قرآن پڑھنے والے ایسے ہوتے ہیں جن پر خود قرآن لعنت کرتا ہے۔ ہم اللہ تعالیٰ کے حضور اس شرمناک عمل سے برات کا اظہار کرتے ہیں؛ یہ رویہ اگر کسی چیز کی نشاندہی کرتا ہے تو وہ اس قاری کے دل میں شعور، ایمان اور دین کی کمی ہے۔

مصر کے اس ابتهال استاد نے وضاحت کی کہ ایسے نظریات اور خیالات، جو اس قاری کی جانب سے پیش کیے جا رہے ہیں، عوامی افکار پر منفی اثر ڈالتے ہیں اور مسلمانوں کو صراطِ مستقیم اور ظلم، جارحیت اور امریکہ و اس کے اتحادی اسرائیل کے استبداد کے خلاف جدوجہد کے راستے سے ہٹا دیتے ہیں۔ لہٰذا ہماری ذمہ داری ہے کہ بطور قرآنی کارکن، قاری اور حافظ، درست موقف کے ساتھ اس انحراف کا مقابلہ کریں اور اسے کہیں: "تمہارا عقیدہ نہایت برا ہے! زندہ باد اسلامی مزاحمت! زندہ باد ایران، لبنان اور یمن کے مجاہد!"

انہوں نے مزید کہا: "ہم مصر میں نہ اس قاری سے کوئی تعلق رکھتے ہیں اور نہ ہی اس کے نظریات سے۔"

انہوں نے مزید کہا کہ رہبرِ شہید حضرت امام خامنہ‌ای (قدس سرہ) ہمیشہ مصر اور اس کے عوام کو اہل بیتؑ سے محبت کی وجہ سے سراہتے تھے۔ مصر کے لوگ رسول خدا ﷺ کے اہل بیتؑ سے محبت اور وفاداری کے لیے مشہور ہیں۔ مصر اور اس کے باوقار عوام ہمیشہ ظلم اور جارحیت کو مسترد کرتے آئے ہیں۔ ایران پر جارحیت کے آغاز سے ہی تمام مصری عوام ہمارے ایرانی بھائیوں کے شانہ بشانہ کھڑے ہیں۔

آخر میں اس بین الاقوامی قرآنی جج نے کہا: "میں، آپ کا بھائی محمد علی جبین، اس نام نہاد قاری مشاری راشد العفاسی کے جواب میں ایک منظوم کلام تیار کرنے کے لیے تیار ہوں۔ ان شاء اللہ، جلد ہی اس فاسد سوچ، اس بے بنیاد عقیدے اور اسلامی جمہوریہ ایران کے خلاف اس حملے کے مقابلے میں ایک فنی شاہکار پیش کروں گا۔"

4348425