Yuɓɓude lofuuji jaŋngingol qur’aana to uganda
plan yuɓɓude lofuuji jaŋngingol qur’aana kariimu e ɗemngal aarabure ina wadde ɗoo ɗo wonaa ɗoo immorde e njuɓɓudi da’awat islaami Libi wonande juulɓe Uganda.
Cimtol jaaynde qur’aaniyaŋkoore international (iqna) egginiɗum ko e aayaawo habrirde (Tripoli Post), (Muhammad khaliifa shaɗir) sekereteer general njuɓɓudi noddaango lisilaamiyaŋkewo Libi oo e nder batu gudditirɗo nguu ɗoon lofu qur’aaniyaŋkewu, o hollirii wonde: miɗe njogorii jokkude tinnaare amen fii liggoondirde e bulundaa juulɓe Uganda e dow faandaare ɓamtude e naɗirde yeeso yimɓe yimɓe leydi ɓee.
Kanko mbo ngannduɗaa ko kañum woni sekereteer general sewnde hirnaange afrik e afrik central njuɓɓudi noddaango lisilaam , ko hono nii owi’i: woni liggoondiram amen e Uganda e leyɗe lisilaamiyaŋkooje Afrik goɗɗe, ko fii ɓamtude t yaarude yeeso juulɓe ɓee e ɓamtude paamal maɓɓe ko faati e diine lisilaam, ko ɗii ɗoon ngoni faandaare njuɓɓudi da’awat islaamii Libi.
Lofu ngu ko ɗoo haa 15 décembre jogorii waɗoyde, ummorde e dental jaŋnginooɓe jeyaaɓe e leyɗe ceertuɗe wano Ejipt naaɓe e Uganda naaɓe.
Uganda ko leydi funnaange Afrik ndi heɓi independent ko e hitaande 192 e juuɗe angelteer leydi ndii waɗi ko miliyonji 32 tagaaɗo ko ɓuri heewde heen ko nasaraaniyaŋkooɓe wi’aama wonde ko yaata 12% renndo leydi ndii ko juulɓe.
Juulɓe leydi Uganda ɓee kawrii e caɗeele ko ɓooyaani, caɗeele ɗee ko yidde njuɓɓudi yilloori fiyakuuji wuro laamorgo (KCCA) fii hadde noddingol; caɗeele ɗe ɗ ngannduɗaa (Kasim Nakibinge) mawɗo juulɓe Uganda ina rewi e muuɗum o aarniima heen kadi.
Njuɓɓudi yillooɓe fiyakuuji wuro laamorgo ndii e dow pretex ji mas’ala jilloondirde sawtuuji waɗi ɓe paandii haɗde nodingol ko ngannduɗaa juulɓe ɓee mbaɗii ɗum kondamnee no feewi.
Hinde noon caggal aarnaare juulɓe ɓee, njuɓɓudi ndii holli bulundaa juulɓe oo wonde kabaaru oo wonaani goonga, minen min paalaaka haɗde noddinaali.1298841
