Nyu Cersi Təhsil Şurası müsəlmanlardan üzr istəyib
"İQNA", "Səbk"-ə istinadən xəbər verir ki, şəhərin dövlət məktəblərinin nəzarətçisi Schuyler-Colfax Orta Məktəbində imtahan zamanı verilən yersiz suala görə təəssüfləndiyini bildirərək bəyanat yayıb.
Bu məktəbdə oxuyan amerikalı müsəlman tələbələrin valideynləri İŞİD-lə bağlı sual verildikdən sonra məktəbi müsəlmanlara qarşı təəssübkeşlikdə günahlandırıblar və bunun üzərinə məktəb rəsmiləri onlardan üzr istəyiblər.
Bu ofis bəyanatında aşağıdakı ifadələri əlavə etdi:
"İlk öncə məktəb adından üzr istəyirik. Bu cür yolverilməz hərəkətlər təhsil ictimaiyyətimiz üçün müəyyən etdiyimiz standartları əks etdirmir. Bu cür hərəkətlərin tələbələr və onların valideynləri arasında yaratdığı narahatlıq və məyusluğu başa düşürük. Bu sual təhqiramiz idi və mədəni həssaslığa hörmətlə bağlı dəyərlərimizə zidd idi.
Məktəblərimizin mənşəyindən, inancından, irqindən və dinindən asılı olmayaraq bütün tələbələr üçün təhlükəsiz və hörmətli mühit təmin etmək öhdəliyi götürdüyünü vurğulamaq çox vacibdir. İşimizin nəzərdən keçirilməsi fürsətimiz var və artıq bu proqram təminatının nəzərdən keçirilməsinə başlamışıq. Bütün müəllim və işçi heyətinə mədəni həssaslıq təlimləri verməyə davam edirik."
4222762
