Yəmən Babül-Məndəb boğazını bağladı
“İQNA”-nın "Əl-Məsirə"yə istinadən verdiyi məlumata görə, Yəmən Babül-Məndəb boğazını sionist rejimin gəmilərinin üzünə bağlayıb.
Yəhya Səri bəyanatında bildirib: "İran, Fələstin, Livan, İraq və Yəməndəki cihad və müqavimət oxuna qarşı Amerika və sionist təcavüzlərinə qarşı mübarizə çərçivəsində, "Yeni Yaxın Şərq" adı altında "Böyük İsrail"in qurulmasına əsaslanan sionist layihəsinə qarşı çıxaraq, həmçinin Amerika düşməninin xalqımıza və Livan, Qəzzə və İrandakı əziz və azad xalqlara qarşı tətbiq etdiyi zülmkar mühasirəni yarmaq üçün, meydanların birliyi və düşmənə qarşı müqavimət, eləcə də sionist rejimin Livan, İran və Qəzzəyə qarşı təcavüzünə cavab olaraq, Yəmən Silahlı Qüvvələri bir neçə raketlə Təl-Əvivdəki düşmən hədəflərini vurub."
Bəyanatda qeyd olunur ki, hücum dəqiqliklə həyata keçirilib və öz hədəflərinə çatıb.
Bundan əvvəl, bazar ertəsi səhər saatlarında sionist rejimin ordusu Yəməndən işğal olunmuş Fələstin ərazilərinə bir raketin atıldığını elan etmişdi.
Yəmənin "Ənsarullah" hərəkatı rəsmi bəyanatında bildirib: "İsrail gəmiləri Qırmızı dənizdən keçə bilməz."
Bu su yolunun əhəmiyyəti Hörmüz boğazından az deyil. Hər gün 3,9 milyon barel neft (dünya dəniz ticarətinin 12 faizi) bu 29 kilometrlik keçiddən ötür.
Analitiklər xəbərdarlıq ediblər ki, bu boğazın bağlanması "ABŞ və onun Fars körfəzindəki müttəfiqləri üzərindəki təzyiqi ciddi şəkildə artıracaq". "Ənsarullah" rəsmiləri də açıq şəkildə bəyan ediblər: "Əgər Səna qərar versə, nə cinlər, nə də insanlar onu aça bilməyəcək". Bu hədə boş bir psixoloji əməliyyat deyil; bu, əməliyyat yol xəritəsinin cızılmasıdır.
Ekspertlərin fikrincə, dünya bilməlidir ki, enerji təhlükəsizliyi və dünya iqtisadiyyatı İranın suverenliyinə və milli maraqlarına hörmətlə bağlıdır. Trampı tam geri çəkilməyə məcbur etməyin və İranı yeni dünya nizamında mübahisəsiz bir güc kimi təsbit etməyin yeganə yolu budur.
4356916
