İQNA-nın (Beynəlxalq Quran Xəbər Agentliyi) "TƏQRİB" təşkilatının xəbər və informasiya saytına istinadən verdiyi xəbərə görə, Ayətullah Əraki – İslami məzhəblərin yaxınlaşması dünya birliyinin baş katibi, keçən Cümə günü "Rusiya və İslam dünyası" 5-ci strateji perspektiv müştərək konfransında çıxış edərkən Rusiya federasiyasının İslami ölkələrlə yaxınlaşması və həmkarlığı siyasətini alqışlayaraq vurğuladı: İnsan, Allahın yer üzündəki əsas xəlifəsi olaraq iki mühüm vəzifə və məsuliyyət daşıyır: 1. Yer üzünün abadlaşdırılması; 2. Ədalət və qanunun bərpası.
O çıxışının davamında dedi: İslam dünyasının ən böyük problemi təfriqə və ixtiladır. Bu xəstəliyin ən yaxşı dərmanı Quran ayələri və hədislərə əsasən müsəlmanlar arasında vəhdət və ixtilafdan çəkinməkdir. Və regionda bu kimi ixtilaflardan əmələ gəlmiş problemlərin ən yaxşı həll yolu dialoqdur.
Ayətullah Əraki – İslami məzhəblərin yaxınlaşması dünya birliyinin baş katibi, çıxışında vurğuladı ki, son illərdəki bütün böhranların, xüsusilə də məzhəbi zəmində qarşıdurmaların, radikallığın və terrorların əsas amilləri və pərdəarxasında oturanları İslam düşmənləridirlər.
O, Rusiya dövlətindən və başqa siyasətçilərdən istədi ki, İraq, Suriya, Yəmə və Əfqanıstanda tördilən vəhşi cinayətlərin qarşını almaqda bütün imkanlardan istifadə etsinlər.