Ayətullah Məkarim Şirazi "Əl-Əzhər" şeyxinə məktub göndərdi
Beynəlxalq Quran Xəbər Agentliyi(IQNA)-nın İslamazeri.az-a istinadla verdiyi xəbərə göre, Ayətullah Məkarim Şirazi’nin rəsmi saytına istinadən sözügedən məktubun mətnin təqdim edir: “Allahın adı ilə... Əl-Əzhər şeyxi cənab doktor Əhməd Təyyibə Əvvəldə sizin Ramazan ayında şiə-sünni məzhəblərinin imamət və səhabə mövzusunda etdiyiniz çıxışlara görə minnətdarlığımı bildirirəm.
Sizin müsəlmanların vəhdəti istiqamətində atdığınız addımlara görə təşəkkür edirəm. Biz sizin bəzi ifadələrinizi çox bəyəndik. “Şiə və sünni islam ümmətinin iki qanadıdırlar və hazırda baş verən ixtilaflar müsəlmanlara zərbə vurmaq üçündür”, “Şiə və sünni Allaha və Rəsuluna şəhadət verdikləri zamana qədər, 'Əl-Əzhər' iki məzhəb arasında heçbir fərq qoymayacaqdır” kimi sözləriniz.
Lakin icazə verin bu çıxışlarınız barədə bəzi məsələlərə toxunum;
1. Səhabələrin bəzilərinin şiə alimləri tərəfindən təhqir edilməsi məsələsi – Hansı ki, siz də işarə etdiniz – Bu mövzu barədə deməliyəm ki, şiənin bütün təqlid mərcələri bu işdən uzaq olmağı vacib bilirlər. Bu işi edənlər diqqətsiz olan bəzi avam şiələrdir.
2. Bizim fikrimizə görə, sizin şiə əqidəsi və inancı barədə söylədiyiniz bəzi məsələlər müzakirə mövzusu olmalıdır. Sizə olan hörmətimiz sonsuz olsa da, fikrimizcə bu məsələləri KİV-də bəyan etmək iki məzhəb arasında olan ixtilafların çoxalmasına səbəb olacaqdır və bir çox islam düşmənləri bu məsələni öz hədəfləri üçün vasitə qərar verəcəklər. Kaş ki, bu məsələlərhər iki məzhəbin alimlərinin olduğu gizli və elmi məclislərdə mübahisə aparılardı, telekanallarda deyil. Elə bu səbəbdən təklif edirəm ki, iki məzhəb alimlərinin iştirak etdiyi elmi konfrans təşkil olunsun. Bu konfransda vəhdətə mane olan ən mühüm maneələr və islami birliyə nail olmaq üçün ən gözəl təkliflər müzakirə edilsin. Sonda qəbul edilən nəticələrə əməl etmək hamı üçün zəruri olsun. Ümid edirəm ki, bu təklifimizi qəbul edərək, şiələrin sizin iradlarınıza telekanallar vasitəsi ilə cavab verməsinin qarşısını alacaqsınız. Sonda bir daha sizə müsəlmanlar arasında vəhdəti davam etdirdiyinizə görə təşəkkürümü bildirir və Allahdan sizin üçün lütf və uğur arzu edirəm.
