Allah İranı hidayət etsin!

Tehran, 15.09.2016 – Məkkə şəhərinin əmiri Xalid əl-Feysəl, İranın Ərəb ölkələrinin daxili işlərinə müdaxilə etdiyi istiqamətindəki əsassız iddialarını təkrarladı.

İQNA - Səudiyyə Ərəbistanı dövlət televiziyasında nəşr olunan xəbərə görə, Məkkə şəhərinin əmiri Xalid əl-Feysəl, Minada keçirdiyi mətbuat konfransında, "Səudiyyə Ərəbistanı, İranın daxili işlərinə müdaxilə etmir. Bu müqəddəs torpaqların və həccin siyasi işlərə və şüarlara alət edilməsinə icazə verməyəcək" dedi.

Mina'daki faciədə minlərlə hacının həyatını itirməsini görməməzlikdən gələn Xalid əl-Faysal, İranın Ərəb ölkələrinin daxili işlərinə müdaxilə etdiyi istiqamətindəki əsassız iddialarını təkrarlayaraq, "Allah İranı hidayət etsin! Allah bu ölkəni İraq, Suriya və Yəməndəki səhv işlərindən qurtarsın. " - deyə söylədi.