Mosulun şərqində 250 İŞİD terrorçusu öldürüldü

İraq xüsusi qüvvələr komandanı Səmir Məhəmməd İsmayıl Mosulun şərqində son 24 saatda 250 İŞİD terrorçusunun öldürüldüyünü açıqlayıb.

Mosulun şərqində keçirilən əməliyyatla bağlı açıqlama verən İraqlı hərbi səlahiyyətli əməliyyat zamanı çox geniş bölgənin terror təşkilatından azad edildiyini qeyd edib.

İsmayıl terror təşkilatına aid üç PUA-nın da vurulduğunu, terrorçuların ağır itki verərək geri çəkildiklərini bildirib.

Mosuləməliyyatları ötən gün rəsmən ikinci mərhələyə daxil olub,əvvəlki gün isə terror təşkilatı liderlərinin Mosuldan qaçdıqları bildirilmişdi. Xatırladaq ki, Mosulun İŞİD terror təşkilatından azad edilməsi üçün əməliyyat 17 oktyabr 2016-cı il tarixində başladılmışdı.

Mənbə:eastnews