Əlcəzayirin baş naziri ölkəyə dini kitablar və Quran-Kərim nüsxələri idxal etmək istəyənlər üçün yeni qanunların tətbiq ediləcəyi barədə xəbər verib.
İQNA-nın
(Beynəlxalq Quran Xəbər Agentliyi) verdiyi xəbərə görə, Əlcəzayirin baş naziri
ölkəyə dini kitablar və Quran-Kərim nüsxələri idxal etmək istəyənlər üçün yeni
qanunların tətbiq ediləcəyi barədə xəbər verib.
Əbdül-Məlik
Səllal – Əlcəzayirin baş naziri, elan edib ki, ölkədə yeni qüvvəyə minən qanuna
görə, heç kəs ölkənin dini işlər nazirliyinin rəsmi icazəsi olmadan dini
kitablar və Quran- Kərim nüsxələrini ölkəyə idxal edə bilməz.
Yeni
qərara alınan qanuna görə, bu qanun layihəsinin tətbiqindən öncə dini kitab
idxalı üçün yazılan tələb ərizələrinə də yenidən baxılacaq. Əgər idxal olunan
kitabların mətni və məzmunu ölkənin milli və dini vəhdətinin əleyhinə olmazsa,
idxal icazəsi veriləcəkdir.
Əlcəzayirin
dini işlər nazirliyinin "qiraət komitəsi" idxal olunmaq üçün sifariş
edilmiş bütün kitabları araşdırmalı, kitabların mətni və məzmununun ölkənin
milli və dini vəhdətinin əleyhinə olub- olmaması barədə rəy verməlidir.
Əlcəzayir
dövləti ölkədiki bütün nəşriyyat orqanlarını yeni qanuna əməl etməyə çağırıb və
xəbərdarlıq edib ki, qanuna riayət olunmadığı təqdirdə həmin müəssisələrin çap
və nəşr icazəsi ləğv ediləcəkdir.
