Dalayi Lama Ruhingiya böhranı ilə bağlı mövqeyini açıqladı
İQNA-nın (Beynəlxalq Quran Xəbər Agentliyi) verdiyi xəbərə görə, Tebet buddistlərinin rəhbəri Dalayi Lama ilk dəfə olaraq Ruhingiya müsəlmanlarına qarşı törədilən cinayət və onlara edilən zülm ilə bağlı mövqe sərgiləyərək dedi: BUDDA mütləq myanmarlı buddistlərin zorakı rəftarlarına məruz qalaraq yurdalrından didərgin düşmüş bu çarəsiz müsəlmanlara kömək edərdi.
Tebet buddistlərinin rəhbəri Dalayi Lama Myanmarda müsəlmanlara qarşı törədilən cinayətlərin əleyhinə mövqe tutaraq dedi: Müsəlmanları incidənlər Buddanı xatırlasınlar. Mən bu məsələyə görə narahatçılıq hissi keçirirəm.
Dalayi Lama Myanmar dövlətinin başçısı Ang San Su Çidən tələb etdi ki, bu böhranlara son qoymaq üçün sülhamiz həll yolu tapsın.
O dedi: Mən sizdən və Myanmarın digər rəhbərlərindən istəyirəm ki, cəmiyyətin bütün təbəqələrinə qayğı və diqqət göstərsinlər və çalışsınlar ki, bütün ölkədə sabitliyi qorusunlar.
Qeyd edək ki, Myanmarda son ayda baş verən qarşıdurmalar nəticəsində 1000 nəfərdən çox insan həyatını itirmiş və 300 min nəfər yurdundan qaçqın düşərək Banqladeşə sığınmışdır.
http://www.iqna.ir/fa/news/3640611
