İslam dünyasının 2019-cu il üçün mədəniyyət paytaxtları müəyyən edilib
İslam Əməkdaşlıq Konfransının Bəhreyndə keçirilən iclasında 2019-cu ildə İslam dünyasının mədəniyyət paytaxtı şəhərləri müəyyənləşib. Qüds 2019-cu ildə İslam dünyasının mədəniyyət paytaxtı olacaq.
İQNA-nın (Beynəlxalq Quran Xəbər Agentliyi) verdiyi xəbərə görə, İslam Əməkdaşlıq Təşkilatının Bəhreyndə keçirilən İslami Əməkdaşlıq Konfrnasında 2019-cu ildə İslam dünyasının mədəniyyət paytaxtı şəhərləri müəyyənləşib.
Fələstinin paytaxtı Qüds, Tunisin paytaxtı Tunis, Bruneyin paytaxtı Seri Begavan, Qvineya-Bisaunun paytaxtı Bisau şəhərləri 2019-cu ildə İslam dünyasının mədəniyyət paytaxtları seçilərək elan edilib.
Qeyd edək ki, İslam Əməkdaşlıq Təşkilatına üzv ölkələrin Mədəniyyət Nazirlərinin fövqəladə konfransı 57 ölkənin iştirakı ilə 28-29 noyabr tarixində Bəhreynin Manama şəhərində keçirilib.
İslam Təhsil, Elm və Mədəniyyət Təşkilatı (İSESKO) və İƏT-in təşkilatçılığı ilə “Hamı insan irsini dəstəkləmək və radikalizmlə mübarizə üçün” şüarı adı altında keçirilib.
