İsrail rejimi Türkiyə vətəndaşlarının Qüdsə səfərinin qarşısını almağa çalışır
İsrail rejimi Türkiyə cümhuriyyəti vətəndaşlarının ildə bir dəfədən artıq Qüdsə səfər etmələrini qadağan edir. Bunu İstanbulda yerləşən Burak Mədəniyyət Birliyinin sədri Adem Yenihayat bildirib.
İQNA-nın (Beynəlxalq Quran Xəbər Agentliyi) verdiyi xəbərə görə, işğalçı sionist İsrail rejimi Türkiyə cümhuriyyəti vətəndaşlarının ildə bir dəfədən artıq Qüdsə səfər etmələrini qadağan edir.
Maide.Az "SalamNews"a istinadən xəbər verir ki, bunu İstanbulda yerləşən Burak Mədəniyyət Birliyinin sədri Adem Yenihayat bildirib.
O həmçinin qeyd edib ki, İsrail səlahiyyətliləri 18 yaşınadək Türkiyə vətəndaşlarının şəhərə vizasız girişini qadağan edib.
Onun sözlərinə görə, Türkiyədən Qüdsə gələn hacıların sayının artması İsrail hökumətində narahatlıq doğurur.
Assosiasiyanın rəhbəri deyib ki, İsrail Əl-Əqsa məscidi ərazisində Türkiyə bayrağının dalğalandırılmasını da qadağan edib.
