İraqın baş nazirindən "Haşdi Şabi"lə bağlı qərar
İQNA-nın (Beynəlxalq Quran Xəbər Agentliyi) verdiyi xəbərə görə, İraqın baş naziri Adil Abdulmehdi İraqın terrorla mübarizədə öndə gələn könüllü gücü olan "Haşdi Şabi"lə bağlı qərar verib.
Qərara görə, Ordunun bir parçası olan "Haşdi Şabi" baş komandanın əmirlərinə tabe olduğu və baş nazirin təyin etdiyi şəxsin məsul olacağı, İŞİD ilə mübarizə zamanı qrupların istifadə etdiyi ikinci adlar istifadə edilməməyi və bunun yerinə "tuğay" və "alay" kəlmələri istifadə olunacağı bildirilir.
Yeni təlimata görə, silahlı qurumlara daxil olmaq istəməyən qrupların ölkə qanunlarına əsasən siyasi partiya və qruplara çevrilə biləcəkləri, bu qrupların mülki bürolarını mühafizə etmək üçün qanuni silah saxlaya biləcəkləri, lakin bundan başqa silah gəzdirmək və saxlamaq qadağan olacağı da qeyd edilir.
Təlimatlar xaricində gizli və ya açıq şəkildə silahlı olaraq fəaliyyət göstərən qrupların qanunsuz silahlı qrup kimi qəbul ediləcəyi deyilən hərbi qərarnamədə "Şəhər və onun xaricindəki bölgələrdə Haşdi Şabiyə bağlı qrupların adını daşıyan bürolar bağlanacaq. Haşdi Şabi qruplarına bağlı bütün iqtisadi və hərbi nəzarət nöqtələri də qapadılacaq.", -deyə bildirilir.
Qərardakı təlimatların 31 İyula kimi yerinə yetiriləcəyini istəyən baş nazir Adil Abdulmehdi "Haşdi Şabi"lə bağlı daha bir neçə addımın atılacağının anonsunu verib. /islamazeri/
