İQNA-nın (Beynəlxalq Quran Xəbər Agentliyi) verdiyi xəbərə görə, Amerika müsəlmanları hər il olduğu kimi bu ildə "İslami Vəhdət" yürüşü keçiriblər.
Sentyabr ayının 22-də keçirilən bu yürüşdə üç min nəfərdən çox müsəlman iştirak edib.
Nyu-York şəhərində keçirilən bu yürüşdə müsəlmanlar İslam ümmətinin vəhdətinin zəruriliyinə və Kəşmirə dəstək olmağa təkid etmişlər.
35-ci "İslami Vəhdət" yürüşünün keçirilmə komitəsinin rəisi Fariz Fəyyaz bu barədə deyib: Bu yürüşdə hədəfimiz müsəlmanların əldə etdikləri nailiyyətləri, qardaşlığımızı, müxtəlif növ mədəniyyətimizi, öz mədəniyyətimizə bağlılığımızı və dinamik inkişafımızı hamıya göstərməkdir.
Yürüşdə iştirak edən və əslən Fil Dişi Sahilindən olan Adamz Fufana vurğulayıb: Altı ildir ki, bu yürüşdə iştirak edirəm. Hər il bu proqrama qatılmağı sevirəm. Çünki Amerikada yaşayan müsəlman cəmiyyətin müxtəlifliyinin göstəricisidir.