IQNA

7:10 - September 29, 2020
Xəbər sayı: 3488219
Tehran (IQNA)  - Molla Səbir Dostbalov Qırğızıstanın tanınmış müasir alimlərindən biridir. O, bu ölkədə İslam mərkəzləri və Darul-Quranların təsis edilməsində əhəmiyyətli rola malikdir.

Molla Səbir Dostbal oğlu 1955-ci ildə Badkənd şəhərinin Zərdalu kəndində anadan olub. İlkin dini biliklərini atasından öyrəndikdən sonra 1971-ci ildə Qırğızıstanın məşhur din alimi Molla Şəmsüddin Bəşirovun və Molla Əbdüssəttarın yanında dini elmləri, o cümlədən fihq və kəlam elmini mənimsəmişdir.

Sonra isə Tacikistanın Asfara rayonunda məşhur qari Molla Əbdüssaminin yanında Ərəb dili, Fars dili, Cığatayı əlifbasını, hədis və Quran təfsirini öyrənmişdir.

O, 1979-1989-cu illərdə uşaqların dini maariflənməsi sahəsində fəaliyyət göstərmişdir. 1989-cu ildən sonra Buxaranın Mirabad dini mədrəsəsində dini elmləri tədris etməyə başlamışdır.

Molla Səbir 1993-cü ildə Qırğızıstanın Bişkek şəhərinə gəlmiş və burada "Akaşa" və "Nur İslam" mədrəsələrini təsis etmişdir.

Həmin illərdə Qırğızıstanın Milli Elmlər Akademiyasının nəzdində dini mütəxəssis kimi fəaliyyət göstərmişdir.

O, 1996-cı ildə Qırğızıstan müsəlmanların ikinci böyük qurultayının keçirilməsinə sədrlik etmişdir.

Bundan əlavə Qırğızıstanın Müfti Alimlər Şurasının üzvü, Fətva İdarəsinin rəisi, Qırğızıstanın müfti müavini və sair məsuliyyətlərdə çalışmışdır.

O, 2001-ci ildə "Rəsuli Əkrəm (s)" İslam institutunu təsis etmiş və 2016-cı ilədək bu dini mədrəsəyə müdirlik etmişdir.

Molla Səbir Dostbalov 2017-ci ildə Qırğızıstanın Müfti Alimlər Şurasının altıncı ilcasının üzvü olmuşdur.

O, mədəni sahədə fəaliyyət göstərən xeyriyyə cəmiyyəti yaradıb ki, bu vasitə ilə 7 Quran təlimi mərkəzini idarə edir.

O hazırda Qırğızıstan Alimlər Şurasının üzvü və İslam mədrəsəsinin müəllimidir. İndiyədək onlarla ilahiyyatçı şagird yetişdirmiş və müxtəlif kitablar yazmış və nəşr etmişdir. "Məcməut-Təvarix" və "Loğman həkimin nəsihətləri" kitablarını Farscadan Qırğızcaya tərcümə etmişdir. /3925766

 

Ad:
E-poçt:
* Comment:
* captcha: