Ermənistan tərəfinin zəbt etdiyi Azərbaycan torpaqları azad edilməlidir
İslam İnqilabının Ali Məqamlı Rəhbəri Ayətullah Xamenei çıxışının bir hissəsini Qarabağda gedən döyüşlərə həsr edərək, Ermənistan tərəfindən zəbt edilmiş ərazilərin azad edilməsinin zəruri olduğunu, Azərbaycanın bu məsələdə beynəlxalq qanunlar baxımından haqlı olduğunu bildirib:
"Qonşu ölkəmiz olan Azərbaycan Respublikası və Ermənistan arasında müharibənin baş verməsi acı bir hadisədir. Bu müharibə region üçün o cümlədən İran üçün təhlükə yaradır və gərək ən yaxın zamanda sona çatsın. Əlbətdə Ermənistan tərəfinin zəbt etdiyi bütün Azərbaycan torpaqları azad olunmalıdır. Bu müharibənin sonlanmasının əsas şərti Azərbaycan torpaqlarının özünə qaytarılmasıdır. Bu torpaqlar Azərbaycanındır və Azərbaycan Respublikası bu məsələdə haqlıdır."
Ayətullah Xamenei bu torpaqlarda ermənilərin təhlükəsizliklərinin qorunması və iki tərəf vasistəsilə beynəlxalq sərhədlərə riayət edilməsi vacibliyini də vurğulayıb və belə qeyd ediblər: Mötəbər məlumatlara əsasən, bölgəyə daxil olmuş terrorçular heç bir vəchlə İran sərhədinə yaxınlaşmamalıdırlar. Əgər onlar İran sərhədinə yaxınlaşarlarsa, mütləq onlarla qətiyyətlə rəftar ediləcəkdir.
Ali Rəhbər həmçinin qeyd ediblər ki, müharibə tərəfləri beynəlxalq sərhədlərin toxunulmazlığını təmin etməlidirlər.
