Kanadalı müğənni, hicabı təhqir edib
İQNA, "Əlvətəniyyə"-yə istinadən xəbər verir ki, Məşhur kanadalı müğənni Castin Biber ABŞ-ın Yuta ştatında verdiyi son konsertində müsəlmanların hicabını təhqir edib.
O, bu yaxınlarda verdiyi konsertdə səhnəyə yaylıqla daxil olub. O, son konsertində yaylıqla səhnəyə çıxıb və müsəlmanların hicabını ələ salıb. Bu təhqiramiz hərəkət müsəlmanların çoxlu tənqidinə səbəb olub.
Kanadalı müğənni, konsertdə səhnəyə enli ağ köynək və şalvar, yaylıq və gün eynəyi ilə çıxıb. O, sosial mediada lağa qoyulan qəribə hərəkətlər edib.
Sosial şəbəkələrin bir çox istifadəçisi, xüsusən də ərəblər müğənninin konsertindəki hicablı şəkillərini və kliplərini paylaşaraq tənqid ediblər. Həmçinin onun haqqında istehzalı ifadələr işlədiblər.
Qeyd edək ki, Castin Biberin tezliklə Səudiyyə Ərəbistanında böyük konsert verməsi planlaşdırılır.
