Misirdə Mahmud Xəlil əl-Hüsarinin 21-ci ildönümünü qeyd ediləcək
İQNA, "Əd-düstur"-a istinadən xəbər verir ki, Mahmud Xəlil əl-Hüsarinin 21-ci ildönümünü münasibəti ilə 24 noyabr dini seminar keçiriləcək. Şeyx Əl-Hüsarinin ailə üzvləri, qohumları sevənləri və doğulduğu kəndin sakinləri iştirak edəcəklər.
Əl-Husari 1917-ci ildə Misirin Tanta şəhərinin Şəbrən-Nəmlə kəndində anadan olub. Həsir toxuculuq sənayesində çalışan atası onu dörd yaşında Quran hifzi məktəbinə yazdırıb. Əl-Hüsari səkkiz yaşında Quranı bütünlüklə əzbərləyə bilib. O, Quranı bütünlüklə əzbərlədikdən sonra Tantadakı Əl-Əhmədi Dini Mərkəzinə daxil olub və orta məktəbə qədər orada təhsil alıb. Orta məktəbi bitirdikdən sonra on qiraət növünü öyrənməyə başlayıb. 1944-cü ildə Misir Radiosunda fəaliyyətə başlayıb.
Əl-Hussari bir neçə dini vəzifədə çalışıb. Misirin Şeyxül-Qürrası olub. O, həmçinin Əl-Əzhər Quranı Təshih və Təhlil Komitəsinin sədri olub.
O, Ramazan ayında ərəb və islam ölkələrinə də səfər edib. O, ABŞ Konqresinin daxilində o vaxtkı prezident Cimmi Karterin dəvəti ilə Quran oxuyub. Mahmud Xəlil əl-Husari 1980-ci il noyabrın 24-də vəfat edib.
Bu misirli qari, malının üçdə birini yaxşı işlərə və Quranın əzbərlənməsinə sərf etməyi əmr etmişdir. Bu vəsiyyəti yerinə yetirmək üçün onun oğullarından biri Şəbrən-Nəmlədə "Şeyx Əl-Hüsari Dini və Sosial Xidmətlər Xeyriyyə Cəmiyyəti"ni təsis edib.
Bu dərnək yetimlərə, kimsəsiz qadınlara və imkansızlara yardım edir. Onun ən mühüm fəaliyyətlərindən biri də xüsusi mərkəzdə uşaqlara Quran öyrətməkdir.
