Almaniyada məscid yanğını ilə bağlı araşdırmalara başlanılıb

Almaniyanın Chemnitz şəhərinin polisi bu hadisədə təxribat ola biləcəyinə görə Türkiyə İslam Birliyinə məxsus məsciddə baş verən yanğınla bağlı geniş araşdırmaya başladığını açıqlayıb.

"İQNA", "TRT"-nin Ərəb bölümünə istinadən xəbər verir ki, Polis hadisənin qəsdən törədildiyini və təxribat ola biləcəyini bildirir.

Polisin verdiyi məlumata görə, şənbə günü yerli vaxtla saat 23:00-da Chemnitzdəki Əl-Fatih məscidində yanğın baş verib.

Əl-Fatih Məscidinin Dərnəyinin rəhbəri Ənis Sezgi deyib ki, bu məscid hazırda yanğın nəticəsində bağlıdır. Yanğının dəqiq səbəbi hələlik məlum deyil.

O, xatırladıb ki, zaman-zaman məscidin poçt qutusuna təhdid məktubları atılırdı.

4029127