Müsəlman ailələrin uşaqlarına qəyyumluğunun əllərindən alınması pislənir

İsveçdə ictimai fəallar İsveç rəsmiləri tərəfindən müsəlman ailələrin uşaqlarına qəyyumluğundan məhrum edilməsini pisləyən kütləvi onlayn sosial media kampaniyasına başlayıblar.

"İQNA", "TRT"-nin Ərəb bölümünə istinadən xəbər verir ki, "Uşaqlarımızı oğurlamağı dayandırın" adlı onlayn kampaniyanın məqsədi İsveç hakimiyyətinin müsəlman ailələri yaşayış şəraitinin qeyri-adekvat olduğu səbəbilə uşaq himayəsindən məhrum etmək cəhdlərini pisləməkdir.

İsveçin uşaq baxımı qanunu "Sosial" kimi tanınan İsveç Sosial Xidmətlərinə icazə verir ki, əgər uşaqlardan biri sosial xidmətlərin qeyri-münasib hesab etdiyi şərtlərə məruz qalırsa, ailədəki bütün uşaqların qəyyumluğunu öz üzərinə götürsün. Bu əlverişsiz şərtlərə zorakılıq, ya da uşağın əsas ehtiyaclarını təmin edə bilməmək və ya bu kimi hallar daxildir.

Müsəlman ailələr, bu təşkilatı uşaqlarını qaçıraraq mədəni və dini baxımdan fərqli olan alternativ ailələrə təhvil vermək üçün "bəhanə uydurmaqda" ittiham edirlər.

Bəzi müsəlman ailələrin valideynləri İsveç hökumətini onların uşaqlarının "tərbiyəsinin İslam mənşəyinə əsaslandığı" bəhanəsi ilə "oğurlamaqda" günahlandırırlar.

Son bir neçə gün ərzində İsveç sosial şəbəkələrində "Uşaqlarımızı oğurlamağı dayandırın" həştəqi geniş yayılıb.

4034334