Çexiyanın İraqdakı səfiri müqəddəs Abbasi Astanını ziyarət edib
"İQNA", "Əl-Kəfil"-ə istinadən xəbər verir ki, görüşdə Çexiyanın İraqdakı səfiri Piter Stipanek və Müqəddəs Abbasi Astanının rəsmiləri Kərbəla ilə bağlı məsələləri, o cümlədən Kərbəla şəhərində tikinti və xidmət layihələri, zəvvarlara xidmət göstərilməsi və bu hərəmin mədəni fəaliyyətlərini müzakirə ediblər.
Çexiya səfiri daha sonra Nəfis Əsərlər və Əl-Kəfil Əlyazmaları Muzeyini ziyarət edib. Daha sonra Abbasi Astanının Mühəndislik Layihələrinin rəhbəri Ziya Məcid Əl-Saiq və Astanın ictimaiyyətlə əlaqələr şöbəsinin rəhbəri Məhəmməd Əli Əzhərlə birlikdə Əl-Əmid Təhsil Kompleksində və Əl-Kəfil İxtisaslaşdırılmış Xəstəxanasında olub.
Görüşün sonunda Çexiya səfiri müqəddəs Abbasi ziyarətgahının ziyarətindən böyük məmnunluğunu ifadə edib. Bu ziyarətgahın, xüsusilə Əl-Kəfil ixtisaslaşdırılmış xəstəxanasının yeni elmi səviyyəyə malik mühüm və böyük layihələrinin həyata keçirilməsini yüksək qiymətləndirib.
