Saravak əyalətindəki məscidlərdə Corona məhdudiyyətləri azaldılıb

Malayziyanın Saravak əyalətinin İslam Şurası əyalətdə məscidlərə qoyulan məhdudiyyətlərin aradan qaldırıldığını elan edib.

"İQNA", "Malay Mail"-a istinadən xəbər verir ki, Saravak İslam Şurasının məlumatına görə, aprelin 1-dən etibarən ştatın məscidlərində ibadət edənlərin camaat namazı zamanı sosial məsafəyə riayət etmələrinə ehtiyac qalmayacaq.

Bununla belə, maska ​​taxmaq və xüsusi səccadədən istifadə etmək kimi digər Corona məhdudiyyətləri qüvvədə qalır.

Covid-19 xəstəliyinə görə karantində olan və ya qızdırma, soyuqdəymə, öskürək və ya nəfəs darlığı kimi simptomları olan şəxslərin məscidlərdə və digər yerlərdə namaz qılması, hər hansı fəaliyyətlə məşğul olması qadağan edilib.

4044604