"İQNA", "Frans 24"-ə istinadən xəbər verir ki, Liviyanın ən məşhur Qurani-Kərim bərpaçılarından biri olan Xalid əl-Dərbi Ramazan ayında müştərilərin böyük ehtiyaclarını ödəmək üçün hər gün Tripolidəki emalatxanaya gələn sənətkarlardan biridir.
Əl-Dərbi Fransa xəbər agentliyinə bildirib ki, yeni Quran alışları ənənəvi olaraq Ramazandan əvvəl artır. Lakin Liviyada bu yaxınlarda bu mövzu dəyişib.
O əlavə edib ki, bir çoxları üçün bu müqəddəs kitabın alınması, xüsusən də hökumətin Liviyada Qurani-Kərimin çapını dayandırdıqdan sonra çətinləşib.
Əl-Dərbi deyir ki, Quran almaq xərcləri artıb və buna görə də qədim Quranların bərpasına istək artıb.