Virciniya müsəlmanları artan islamafobiya ilə mübarizə üçün səy edir

Virciniya ştatında artan islamofob cinayətlər ştatdakı müsəlmanları narahat edir. Onlar bu cinayətlərin təkrarlanmasının qarşısını almaq üçün milli və yerli hüquq təşkilatlarını dəstəkləməyə çağırırlar.

"İQNA", "VPM"-ə istinadən xəbər verir ki, islamofobiya ABŞ-da və bütün dünyada artan bir problemdir. Ekspertlər bildirirlər ki, Virciniya ştatında baş verən son hadisələr müsəlmanların hələ də bu cür ayrı-seçkiliyə qarşı mübarizə apardığını göstərir.

Keçən ay Ramazan ayında təxribatçılar "Short Pump"-da "West End" İslam Mərkəzinə hörmətsizlik etdilər. Bu, son altı ayda ikinci dəfədir ki, mərkəz islamofob hücumların hədəfi olur.

Bu ilki hesabata görə, keçən il ABŞ-da islamafobiya ilə bağlı 6720 şikayət olub ki, bu da 2020-ci ilə nisbətən 9 faiz çoxdur.

Son təxribatın ardınca Virciniya qubernatoru Qlenn Yanqkin Henrikodakı mərkəzə baş çəkib və onu dini azadlığa hücum adlandıraraq pisləyib.

O deyib ki, cəmiyyət olaraq biz hər cür zorakılığa, xüsusən də ibadətgahlara və dindarlara qarşı olan zaman birlikdəyik.

4056843