"Müqəddəs Hörümçək" filmi pislənib
İQNA-nın İslam Mədəniyyəti və Rabitə Təşkilatına istinadən verdiyi məlumata görə, bu bəyanatın mətni belədir:
Din əleyhinə və təhqiramiz "Müqəddəs Hörümçək" filminin nümayiş olunması dünyanın müxtəlif yerlərində Əhli-beyt (ə) aşiqlərinin qəzəbinə səbəb olub. Bu təhqiramiz film zəngin və dinamik İslam və İran mədəniyyəti ilə ziddiyyət təşkil edir və bilərəkdən edilən bir qaralamadır.
Bu arada, şiə, sünni və hətta qeyri-islam məzhəbləri də daxil olmaqla, dünyada milyonlarla insanın ziyarətgahı və mənəvi sığınacağı olan şiələrin səkkizinci imamı İmam Rzanın (ə) hərəminin təhqir edilməsi bağışlanmaz günahdır.
Bu alçaldıcı əsərin yaradıcıları və aktyorları, Qərbdə, xüsusən də Kann Film Festivalında böyüdülmüş və təbliğ edilən açıq və gizli lobbilər bu həqiqəti bilməlidirlər ki, Əhli-beytə (ə) sonsuz məhəbbət İran cəmiyyətinin və digər müsəlman xalqlarının ruhuna hopmuş və milyonlarla insanın mədəniyyətinə və dərin əqidəsinə çevrilmişdir. Belə bir şəraitdə zəngin İslam və İran mədəniyyətinə qarşı Qərbin anti-mədəni sistemi bütün komponentləri və nümunələri ilə birlikdə məhvə və məğlubiyyətə məhkumdur.
