Qətər foto sərgisində Osmanlı dövrünün məscidlərinin memarlığından bəhs edilir
"İQNA", "Ər-Rayə"-yə istinadən xəbər verir ki, Bu sərgi çərşənbə günü, yanvarın 18-də Mədəniyyət Nazirliyinə tabe olan Qətər Fotoqrafiya Mərkəzinin təşkilatçılığı ilə Katara Mədəniyyət Mərkəzinin mərkəzi binasında keçiriləcək. Bu dövrdə Osmanlı üslubunda tikilmiş məscidlər barədə Xalid Əl-Müslimaninin foto işləri olacaq.
Osmanlı dövründə İslam memarlığı cəmiyyətin və insanların ehtiyacları ilə geniş şəkildə ahəngdar olmuşdur. Bu dövrdə tikilən məscidlərin sayı İslam dininin təlimlərinin yayılmasında və cəmiyyətə xidmətində məscidin mövqeyinin ən yaxşı sübutu kimi qəbul edilə bilər. Çünki həmin dövrdə bu məscidlərin əksəriyyəti elm təhsilinin işığını daima açıq saxlamışdır. Bu məscidlərdə Quran, fiqh və digər dini elmlərin tədrisi həmişə üstünlük təşkil edib.
Osmanlı dövründə İslam memarlığının varisi olan Türkiyə bu ölkədə məscidlərin çoxluğuna görə məscidlər ölkəsi kimi tanınır. Türkiyənin dünyəvi siyasətçiləri illərlə islami kimliyi aradan qaldırmağa çalışsalar da, buna nail ola bilməyiblər.
“Osmanlı dövründən iman şüaları” adlı foto sərgi bu İslam memarlığı dünyasının bir hissəsini göstərməyə çalışıb.
Son statistikaya görə, Türkiyədə məscidlərin sayı təxminən 85 684-dür. Osmanlı dövrünün böyük memarları İstanbul şəhərinin salındığı yeddi təpənin üstündə çoxlu məscidlər tikmişlər ki, onun minarələri hələ də dayanır.
Təkcə İstanbul şəhərində 3600 tarixi və yeni məscid var; Bu, bu şəhəri minarələr şəhəri kimi məşhur etmişdir.
4114370
