Londonda hərracda əlyazma Quran və İslam əsərlərinin satışı olacaq
"İQNA", "Art Fix Daily"-ə istinadən xəbər verir ki, Martın 12 və 15-də keçiriləcək bu hərracda İslami əsərlərlə yanaşı, klassik Avropa, Misir və Yaxın Şərq, Hindistan və Çin əsərləri də satışa çıxarılacaq.
553 qədim incəsənət nümunəsi, artefakt və sikkələrin daxil olduğu ilk hərrac martın 12-də keçiriləcək. Martın 15-də isə 339 İslam sənətindən ibarət möhtəşəm kolleksiya hərraca çıxarılacaq.
Bu auksionun təşkilatçılarının bildirdiyinə görə, satılacaq əsərlərin hər iki seansı qalereya meneceri İvan Bunçevin nəzarəti altında Apollo incəsənət auksionunun ekspertləri tərəfindən idarə olunub.
Seçilmiş İslam sənət nümunələrinə Nişabur, Səlcuqlu, Səfəvi və digər İslam sivilizasiyalarının xalqlarına və imperiyalarına aid erkən gil, şüşə və tunc əsərləri daxildir. Quran əlyazmaları bu auksionda diqqət çəkən digər əsərlərdir.
Bu əsərlər arasında böyük Quranın eramızın 1800-cü illərində Şimali Hindistanda yazılmış versiyasını qeyd etmək olar. Bu Quranın bütün səhifələri qızıl vərəqlə bəzədilib, mavi və qırmızı mürəkkəblə zinətlənib.
4126639
