Həzrət İsanın (ə) asimani süfrənin nazil olması üçün etdiyi dua
“Məryəm oğlu İsa dedi: “Ya Allah, ey bizim Rəbbimiz! Bizə göydən bir süfrə nazil et ki, o bizim həm birincimiz, həm də axırıncımız (həm bizim, həm də bizdən sonra gələnlər) üçün bir bayram və Səndən (Sənin qüdrətindən) bir möcüzə olsun. Bizə ruzi ver ki, Sən ruzi verənlərin ən yaxşısısan!” (Maidə, 114).
“Maidə” maddi və mənəvi mənada işlədilən ruzi və bərəkətlə dolu səmavi süfrə deməkdir. Bu elə bir duadır ki, bütün insanlar öz Rəbbinə ürəklərində və dillərində pıçıldasınlar. Yer süfrələrindən əlavə, asimanda insanlara məxsus ruzidən öz ruhları üçün də diləsinlər.
Səmavi süfrə ya hikmət, mərifət və elmdir, ya da xeyirxah əməllər və insanlara xidmətdir ki, bu da asimani süfrə və ruhumuzun qidasıdır. Əgər kimsə öz həyatında yaxşı əməllər etməsə, bir qəlbi şad etməsə və kimin üçünsə rahatlıq yaratmasa, daxildən zəifləyib ölər.
Mənəvi lütflərə çatmaq üçün insan proqram tökməlidir. Bu cür ilahi süfrələrin enməsi istiqamətində atılan təsirli addımlardan biri də savadlı və mənəviyyatlı insanların hüzuruna çatmaqdır.
Digər addımlar arasında yaxşı və mükəmməl kitablar hazırlamaq və oxumaq var. Həmçinin musiqi və rəsm kimi yeddi sənətdən birini öyrənmək və ya ən azı musiqi dinləmək və gözəl təsviri sənət əsərlərinə baxmaq da daxildir.
Bu surənin 114-cü ayəsində qeyd olunan Maidənin enməsi üçün duanı, yaxşılıq, gözəllik və həqiqətlə dolu asimani süfrə olan Qurani-Kərimə aid olduğunu demək olar. Habelə demək olar ki, səmavi Maidə həzrət İsadan qalan müqəddəs sözlərdir. O sözlərin vasitəsi ilə əvvəldən axıra qədər bütün bəşəriyyət bir-birinin əlini sıxıb, bir-birinə xidmət eşqi və şövqü ilə xeyirxahlıq ziyafətinə, sülh və dostluq karvanına başlaya bilər.*
Ustad Hüseyn Muhyiddin İlahi Qumşei tərəfindən yazılmış "Quranda 365 gün" kitabından götürülmüşdür.
4112212
