"İQNA" xəbər agentliyinin Kərbəlaya göndərdiyi müxbirin verdiyi məlumata əsasən, bu mərasimdə İmam Hüseynin (ə) hərəminin Darul-Quranının direktoru Şeyx Xeyrəddin Əl-Hadi, elmi hövzənin aparıcı alimlərindən olan Seyyid Munzir Əl-Həkim, o cümlədən münsiflər heyətinin üzvləri iştirak edirdilər. Münsiflər heyəti aşağıdakılardan ibarətdir: İran İslam Cümhuriyyətindən Heyder Kəsmai, Əhməd Əbul-Qasimi və Höccətül-İslam Həmid Drayəti, İraqdan Şeyx Ədnan Əl-Salehi, Şeyx Məzar Əl-Səhaf, Rafiul-Amiri və Şeyx Meysəm Əl-Təmmar, Misirdən Məhəmməd Fəhmi Əbdül-Seyyid Əsfur. Həmçinin bu dövr yarışlarının qiraətçiləri və hafizləri öz qiraət edəcəkləri növbələrini alıblar.
Adıçəkilən mərasimdə bu yarışmanın münsiflərindən olan Şeyx Məzar Əl-Səhaf qarilərin qiraəti ilə bağlı texniki məsləhətlər verdi və dedi: "Qarilər qiraətlərində "Həfsin Asimdən rivayətinin iki Şatibiyyə və ya Misbah" yolunu, "Qalunun Nafidən" və "Vərşin Nafidən" rivayətini seçməkdə sərbəstdirlər. Amma bir şərtlə ki, bu rivayətlərin prinsiplərinə, o cümlədən qiraətdə mədd və qəsrə riayət etməlidirlər".
Həmçinin hakimlər qərara gəliblər ki, hifz bölməsində 100 baldan 70-i yaxşı hifz etmək, 20-si təcvid qaydalarına riayət, 5-i vəqf və başlanğıca riayət və 5-i də səs və tona qiymət vermək üçün ayrılsın.
4153916