Ayasofyada yeni tənzimləmə başlayıb
TRT Xəbər-in verdiyi məlumata görə, Mədəniyyət və Turizm Nazirliyindən verilən açıqlamaya görə, Mədəniyyət və Turizm Naziri Məhmət Ersoy tərəfindən Ayasofyada başladılan bərpa və konservasiya işləri çərçivəsində məsciddə ziyarətçilər üçün yeni tənzimləmə edilib.
Bu çərçivədə, qalereya hissəsini ziyarət edəcəklər üçün 3-cü Əhməd Çeşməsi ilə üzbəüzdə biletlərin satıldığı bildirilib.
Tur marşrutu boyunca mühafizə tədbirlərinin görüldüyü tarixi məsciddə də təhlükəsizlik kameraları, yanğın aşkarlama və fövqəladə hallar barədə xəbərdarlıq sistemləri quraşdırılıb.
Məscidin qalereya döşəməsindəki mərmər üzlüklərin və taxta məhəccərlərin təmizlənməsi və konservasiyası Elmi Şuranın razılığı və məsləhəti ilə bərpaçılar və konservatorlar tərəfindən aparılmışdır.
Nazir Ersoyun daha əvvəl Ayasofya məscidində istifadəyə veriləcəyini açıqladığı ziyarətçi idarəetmə planı tətbiqi ilə tarixi məsciddə uzun növbələrin qarşısının alınması nəzərdə tutulur.
Cənub hissəsində 2-ci Bəyazid minarəsinin altında yerləşən tunel və giriş enişi vasitəsilə nəzarətli şəkildə girişlərin təmin ediləcəyi Ayasofya məscidində ziyarətçilər qalereya mərtəbəsinə daşınacaq və şimal-şərq istiqamətindəki eniş vasitəsilə çıxacaqlar.
Qalereya bölməsinə gələn turistlər bu hissədə məscidin ziyarətgah mərtəbəsini və Osmanlı dövrü əlavələrini görə, cənnət-cəhənnəm qapısından keçə və Bizans dövrü mozaikalarını araşdıra biləcəklər.
Ayasofya məscidində başlayacaq yeni tətbiq ilə turistlər ibadət mühitini pozmadan məscidi ziyarət edə biləcəklər.
Ayasofyada QR kod tətbiqi ilə həyata keçirilən sistemlə ziyarətçilər cib telefonlarının qulaqcıqları və ya veriləcək birdəfəlik qulaqlıqlar vasitəsilə dindarları narahat etmədən 23 dildə məlumat ala biləcəklər.
Tarixi məscidə turistik məqsədlə gələn əcnəbilər üçün giriş haqqı 25 avro olacaq.
