Narendra Modinin üçüncü dəfə baş nazir olması müsəlmanları narahat edir
"İQNA", "Misir Teleqraf" saytına istinadən xəbər verir ki, Hindistandakı müsəlmanlar Modi hökumətinin iki prezidentliyindən sonra ölkənin getdikcə qütbləşməsi və təqiblərin artması ilə bağlı narahatlıqlarını və qorxularını bildirirlər.
İngilis İndependent qəzeti Modi dövründə müsəlman azlıqlara qarşı tez-tez baş verən təqib hadisələri ilə bağlı xəbərlərində 2023-cü ilin iyulunda Məhəmməd Səd adlı məscidin imamının öldürülməsinə diqqət çəkib.
Britaniya qəzeti yazır ki, Guruqramdakı zorakılıq dini azlıqlara, o cümlədən müsəlmanlara qarşı artan təqiblərin təkcə ucqar ərazilərlə məhdudlaşmadığını xatırladır.
Son illərdə Hindistan hakimiyyəti müsəlmanları real və ya xəyali cinayətlərə görə cəzalandırmaq üçün “buldozer ədaləti” adlanan prinsipdən istifadə edir.
Hakim partiya ilə ittifaqda olan və minlərlə üzvü olan ifrat hindu qrupları törətdikləri cinayətlərə görə cəzadan yaxa qurtara biliblər.
4214035
