Ali Məqamlı Rəhbərin Quranın ərəbcə təfsirinin təqdimatı olub
"İQNA"-nın 35-ci Tehran Beynəlxalq Kitab Sərgisinin xəbər qərargahına istinadən verdiyi məlumata görə, 35-ci Tehran Beynəlxalq Kitab Sərgisinin 5-ci günündə İslam İnqilabının Ali Məqamlı Rəhbərinin Qurani-kərim fikirlərinin tədqiqi üçün iclas keçirilib. Bu iclas, İslam Maarifi və İnsani Elmlərin Tərcümə və Nəşriyyatının Təşkili Mərkəzinin ev sahibliyi ilə, 12 May Millətlər Salonunda keçirilib.
Bu görüşdə İslam İnqilabı Mədəniyyət Araşdırmaları İnstitutunun Tədris və Tədqiqatlar üzrə rəhbəri Məhəmməd İshaqi, Şahid Universitetinin ustadı, İslam Şurasının üç dəfə keçmiş nümayəndəsi Lalə İftixari və İran İslam Respublikasının İspaniyadakı müşaviri Məhəmməd Mehdi Əhmədi, bu təfsirlə bağlı fikirlərini söyləyiblər.
Həmçinin İslam Maarifi və İnsani Elmlərin Tərcümə və Nəşr Mərkəzi və İslam İnqilabı Nəşriyyatının birgə əməkdaşlığı ilə Ali Məqamlı Rəhbər Ayətullah Xameneinin ərəb dilində 10 cildlik Quran təfsirinin təqdimatı keçirilib. Bu iclasın katibi, Quran tədqiqatçısı və Xarici Yayımlar üzrə müavininin Ərəb-Afrika direktoru Abbas Əncam olub.
Rəhbərin fikirlərinin Quran əsasları
Bu iclasda Lalə İftixari İnqilab Rəhbərinin təfsirə olan meylini izah edərək dedi: "Allah Peyğəmbərin (s) missiyasını açıqlamışdır. Bu missiya Peyğəmbərdən (s) sonra Əhli-beyt (ə) tərəfindən davam etdirilmiş və qeybət dövründə təfsirçilər bu missiyanı yerinə yetirmiş və bu səbəbdən din böyükləri təfsir etmişlər".
O, İnqilab Rəhbərinin gəncliyindən bu günə qədər təfsir etdiyini vurğulayaraq əlavə etdi: "Əgər İnqilab Rəhbərinin fikirlərinə nəzər salsaq, onun bütün fikirlərinə Qurani-Kərimdən əsaslar gətirdiyini görərik".
Quran araşdırması
Aşağıda İranın İspaniyadakı keçmiş mədəniyyət müşaviri Məhəmməd Mehdi Əhmədi İnqilab Rəhbərinin xatirələrindən ibarət “On dördüncü hücrə” kitabı ilə onun Quran düşüncələri arasındakı əlaqəni araşdırdıqdan sonra dedi: "İnqilab Rəhbərinin 50 ildən artıq şərəfli ömrü Quran araşdırmaları ilə məşğul olmaqla keçib. Onun fiqh, usul, təfsir, hüquq və ədəbiyyatda fikri əhatəliliyinə görə onun təfsirdə baxışı yeni İslam sivilizasiyasının formalaşmasına müqəddimə ola biləcək yenilikçi bir yanaşma ilə izlənilmişdir".
O, “On dördüncü hücrə” kitabını Quranın müqavimət vurğusuna uyğun hesab edərək, Allahın kəlamında xüsusi bir vurğunun olduğunu bildirməklə, kim zülm qarşısında müqavimət göstərib haqqa üz tutsa, qalib gələcək, deyə bildirərək sözünə belə davam etdi: "Quranda vurğulanan səbir və müqavimət nümunəsi, bu kitabda həyatı təsvir edilən İnqilab Rəhbəridir".
Sadə və müasir dil
Bu iclasda Məhəmməd Mehdi Şəriətmədar Ali Məqamlı Rəhbərin Qurani-Kərimin təfsir üslubu haqqında deyib: "Ali Məqamlı Rəhbərin Qurani-Kərimin təfsir üslubu İslam cəmiyyəti və İslam hökuməti qurmaq üçün sadə və müasir dillə bəyan edilir. Rəhbərin sözlərində çoxlu Quran dəlilləri vardır ki, onlar toplanıb təsnif edilərsə, Quranın ictimai və siyasi arenada bənzəri olmayan mövzu əsaslı şərhinin mənbəyi ola bilər.
Sonda Məhəmməd İshaqi İnqilab Rəhbərinin Quranın bərqərar etməsi ilə bağlı fikir və hərəkətlərini vurğulayaraq dedi: "İnqilab Rəhbərinin şəxsiyyətinin müxtəlif cəhətləri var və hərəkətləri Qurani-Kərimə əsaslanır. Əgər sənət və kimlikdən danışmaq istəyirsə, Quran prinsiplərindən istifadə edir və onun dinləyiciləri İran və dünyanın müxtəlif qrupları və xalqları, daxili məmurlar və hətta düşmənlərdir.
"Oxuyaq və yaradaq" şüarı ilə 35-ci Tehran Beynəlxalq Kitab Sərgisi 2024-cü il mayın 8-dən 18-nə kimi İmam Xomeyni (r.ə) müsəllasında və virtual formada ketab.ir sistemində keçirilir.
4215447
