Prezidentin və Xarici İşlər Nazirinin ölümünün dünya mediasında əks olunması
Prezidentin və onu müşayiət edən nümayəndə heyətinin helikopterin qəzaya uğraması ilə bağlı dünya mətbuatında vaxtaşırı xəbərlər yer alıb.
The Guardian yazıb ki, İran prezidentinin helikopteri qəzaya uğrayıb və İranın rəsmi televiziyasının xəbərinə görə, İbrahim Rəisi və İranın xarici işlər naziri dünyasını dəyişib.
France 24, Ayətullah Rəisinin vəfatından sonra Məhəmməd Muxbirin hökumət işlərinə cavabdeh olacağını açıqladı.
Prezidentin və Xarici İşlər Nazirinin ölümünün dünya mediasında əks olunması
Sky News prezidentin helikopterinin qəzaya uğraması ilə bağlı son xəbərləri yazıb: "İran prezidentinin və xarici işlər nazirinin cəsədləri xilasetmə qrupları tərəfindən tapılıb".
Reuters xəbər agentliyi də bu hadisənin təfərrüatlarını daxil edərək, bu xəbəri ən mühüm xəbərlərinin başında yerləşdirdi.
NBC də prezident və onun heyətinin helikopter qəzası ilə bağlı xəbərləri işıqlandırıb və yazıb: "İran prezidentinin vəfatı rəsmən təsdiqlənib. Bu kanal bu hadisənin səbəbinin bilinmədiyini, bölgədə sıx duman və pis hava şəraitinin xilasetmə qruplarının vertolyotun axtarışını çətinləşdirdiyini yazıb".
Qətərin Əl-Cəzirə kanalı Şərqi Azərbaycan vilayətində baş verən bu hadisədə ümumilikdə 9 nəfərin həyatını itirdiyini açıqlayıb.
Bu xəbər saytı Ali Məqamlı Rəhbərin sözlərinə istinad edərək yazıb ki, İranın Ali Rəhbəri bu hadisənin ölkə işlərinin idarə olunmasında heç bir problem yaratmayacağını bildirib. Əl-Cəzirə İran konstitusiyasına toxunaraq yazıb: Vitse-prezident yeni seçki keçirilənədək vəzifəsini icra edəcək və 50 gün ərzində yenidən prezident seçkiləri keçiriləcək.
Associated Press xəbər agentliyi də yazıb: "İranın dövlət mediası bildirib ki, İran prezidenti İbrahim Rəisi, ölkənin xarici işlər naziri və bir neçə nəfərin cəsədləri onların vertolyotunun ölkənin şimal-qərbində dumanlı və dağlıq ərazidə qəzaya uğramasından bir neçə saat sonra tapılıb.
Bu xəbər agentliyi izah edib ki, bu qəza İsrail və HƏMAS arasında müharibə səbəbindən Yaxın Şərqin qeyri-sabit olduğu bir vaxtda baş verib.
Associated Press agentliyi prezident Rəisinin hakimiyyəti dövründə İranın İsrailə pilotsuz təyyarə və raket hücumuna da toxunaraq, İranın əvvəlkindən daha çox uranı zənginləşdirdiyini və Qərblə gərginliyi artırdığını iddia edib.
Politico xəbər saytı da yazıb: "İbrahim Rəisi bazar günü helikopterinin İslam Respublikasının şimal-qərbində dağlıq bölgədə qəzaya uğraması nəticəsində dünyasını dəyişib".
Bu xəbərə görə, İran Qızıl Aypara Cəmiyyəti bazar ertəsi verdiyi açıqlamada bu təşkilatın axtarış-xilasetmə qruplarının təyyarənin qəzaya uğradığı yerə çatdıqlarını və helikopterdəkilərin sağ olduğuna dair heç bir əlamət tapmadıqlarını açıqlayıb.
4217003
