Hərəmeyn sürət qatarlarının tutumu artırılır
"İQNA", "Arabic Business"-ə istinadən xəbər verir ki, Səudiyyə Ərəbistanı Dəmir Yolları (SAR), iki məscidə gedən qatar tutumunun artırılacağı marşrut üzrə ümumi sərnişin tutumunun bu il 1,6 milyon sərnişinə çatacağını açıqlayıb.
Hərəmeyn yüksək sürətli qatarının 5 dayanacağı var: Məkkə, Ciddə, Kral Abdullah İqtisadiyyat Şəhəri, Kral Əbdüləziz Beynəlxalq Hava Limanı və Mədinə.
Hərəmeyn qatarında oturacaqların sayının artması bu il zəvvarları daşıyan səfərlərin sayının xeyli artması ilə bağlıdır.
Hərəmeyn yüksək sürətli qatarı saatda 300 kilometr sürətlə dünyanın 10 sürətli qatarından biridir. O, 417 oturacaq yeri olan 35 qatarla işləyir.
Ekoloji cəhətdən təmiz qatar sıfır karbon emissiyası ilə elektrikli qatardır və iki müqəddəs Məkkə və Mədinə şəhərləri arasındakı məsafəni 2 saat 10 dəqiqəyə qət edir. Çadır arxitekturasına əsaslanan stansiyalar; Məkkədə sarı, Mədinədə yaşıl, Ciddədə isə boz rəngdə dizayn edilmişdir.
Səudiyyə Ərəbistanının rəsmi xəbər agentliyi (WAS) Hərəmeyn yüksək sürətli qatarını bu ölkənin və Yaxın Şərqin ən böyük nəqliyyat layihəsi kimi təsvir edir.
Bu layihənin təqdimatı 2009-cu ildə edilmiş və 2018-ci ildə Səudiyyə Ərəbistanı Kralı Kral Salman ibn Əbdüləziz Əl Səud tərəfindən Ciddədə istifadəyə verilmiş və hədəfi ildə 60 milyon sərnişinə xidmət göstərməkdir.
4219239
